गन्‍ती 28:1 - नेवाः बाइबल

¹ परमप्रभुं मोशायात धयादिल,

गन्‍ती 28:1 Referans Kwoze

गन्‍ती 27:23

परमप्रभुं मोशायात उजं बियादी थें वं थःगु ल्‍हाः यहोशूया छेनय् तल अले वयात मनूतय् नायः जुइगु जिम्‍मा बिल।

गन्‍ती 28:2

“इस्राएलीतय्‌त थथे धकाः उजं ब्‍यु, ‘जितः लय्‌ताय्‌कीगु नस्‍वाःगु विशेष देछा क्‍वःछीगु इलय् छायेत छिमिसं लुमंकि।’

लेवी 9:15

अनंलि वं मनूतय्‌गु निंतिं बलि छायेहल। वं मनूतय्‌गु पापबलिया दुगुचायात स्‍यानाः न्‍हापा थें छाल।

गन्‍ती 7:15

होमबलिया निंतिं छम्‍ह द्वहंचा, छम्‍ह भ्‍याःचा व छम्‍ह दच्‍छि दुम्‍ह चिधिकःम्‍ह भ्‍याःचा,

१ इतिहास 23:31

परमप्रभुयात विश्रामया न्‍हिइ, अमाइया नखबलय् व फुक्‍क मेगु क्‍वःछिनातःगु नखःचखःबलय् ल्‍यायाः नियमकथं फुक्‍क होमबलि न्‍हियान्‍हिथं छायेगु जिम्‍मा नं लेवीतय्‌गु खः।

२ इतिहास 2:4

छाय्‌धाःसा जिं जिमि परमप्रभु परमेश्‍वरया निंतिं छगः देगः दय्‌के त्‍यनागु दु। व जिं वय्‌कःयात देछाये। अन जि व जिमि प्रजां वय्‌कःया आराधना यायेगु, गुँगू थनेगु देछागु मरि न्‍ह्याबलें झ्‍वःलाक तयाः छायेगु अले सुथय्, बहनिइ, विश्रामबार पतिकं, अमइया नखः व परमप्रभु जिमि परमेश्‍वरया क्‍वःछिनातःगु नखः नखःबलय् होमबलि छायेगु जुइ। वय्‌कलं न्‍ह्याबलें थथे यायेगु आज्ञा बियादीगु दु।

२ इतिहास 8:13

मोशाया आज्ञा कथं विश्रामबार पतिकं, अमाइ पतिकं व क्‍वःछिनातःगु नखःबलय् दँय् स्‍वक्‍व अथे धइगु– सोडा मतःगु मरिया नखःबलय्, समाज्‍याया नखःबलय् व बल्‍चाबाय्‌या नखःबलय् वं बलि छायेगु यात।

२ इतिहास 23:18

यहोयादां पुजाहारीतय्‌त व लेवीतय्‌त दाऊदं इमित आज्ञा ब्‍यु थें देगः स्‍वयेगु जिम्‍मा बिल। थःगु इलंनिसें हे प्रशंसा यायां लय्‌लय्‌तातां मोशाया व्‍यवस्‍थाय् क्‍वःछिनातःथें परमप्रभुया निंतिं होमबलि छायेत व परमप्रभुया देगलय् ज्‍या यायेत दाऊदं इमित ज्‍या ब्‍वःगु खः।

२ इतिहास 31:3

जुजुं थःगु हे सम्‍पत्तिं परमप्रभुया व्‍यवस्‍थाय् च्‍वया तः थें सुथय् व बहनिया होमबलिया निंतिं, अले विश्रामबार, अमाइ व क्‍वःछिनातःगु नखःचखःया निंतिं पशुत दान बिल।

एज्रा 6:9

“न्‍हियान्‍हिथं यरूशलेमय् पुजाहारीतय्‌सं छु छु माल धकाः धाइ व फुक्‍कं ब्‍यु। इमित स्‍वर्गयाम्‍ह परमेश्‍वरयात होमबलि छायेत द्वहंत, भ्‍याःचात व चिधिकःम्‍ह भ्‍याःचात अले छ्व, चि, दाखमद्य व जैतूनया चिकं मद्वंक ब्‍यु।

नहेम्‍याह 10:33

जिमि परमेश्‍वरया देगःया सेवाया निंतिं पवित्रगु मरि, न्‍हियान्‍हिथंया अन्‍नबलि व होमबलिया निंतिं पशुत, शबाथ, अमाइ व मेगु नखःचखःबलय् माःगु देछात, इस्राएलया प्रायश्‍चितया निंतिं पापबलि, अले जिमि परमेश्‍वरया देगःया ज्‍याया निंतिं छु छु माःगु मेगु नं जिमिसं बी।

यशैया 1:13

ज्‍यालगय् मजूगु बलि जिथाय् हये मते। छिमिसं च्‍याकूगु धुपाँय् जिगु निंतिं घच्‍चाइपुसे च्‍वं। छिमिसं मानय् यानावयाच्‍वंगु अमाइ विश्रामबार व छिमिगु मभिंगु मुने ज्‍याया कारणं जिं सह याये मफये धुंकल।

इजकिएल 44:24

“‘छुं ल्‍वापुख्‍यापु जुइबलय् पुजाहारीतय्‌सं हे न्‍यायाधीशं थें ज्‍या यायेमाः अले जिगु विधिकथं इमिसं मुद्दा फैसला यायेमाः। इमिसं जिगु नियमत व जिगु क्‍वःछिनातःगु फुक्‍क नखःचखःयागु विधित पालन यायेमाः। इमिसं जिगु विश्रामबारयात पवित्र तयाति!

इजकिएल 45:17

थीथी नखःचखः, अमइया नखः, विश्रामबारत व इस्राएलया घरानाया फुक्‍क क्‍वछिनातःगु नखःचखःबलय् छायेत होमबलि, अन्‍नबलि व त्‍वँसाबलि तयार यायेगु ज्‍या शासकयागु हे जुइ। इस्राएलया घरानाया निंतिं प्रायश्‍चित यायेत माःगु शुद्ध जुइगु बलि, अन्‍नबलि, होमबलि व मेलबलि वं हे तयार यानाबीमाः।

इजकिएल 46:11

“‘नखःचखः व नखःचखःया क्‍वःछिनातःगु दिनय् अन्‍नबलि धाःसा छगू एपा छम्‍ह द्वहंचानापं, छगू एपा छम्‍ह भ्‍याःचानापं, व चीधिकःम्‍ह भ्‍याःचानापं थःत गुलि बी मास्‍ति वः उलि छायेमाः। छगू छगू एपानापं छगू छगू हीन चिकं छायेमाः।

गलाती 4:10

थौं छिमिसं खास न्‍हि, थितिकुति, ला, रितु व दँयात मानय् यानाच्‍वन।

कलस्‍सी 2:16

उकिं आः सुनानं नयेत्‍वनेगु खँय्, नखःचखः मानय् यायेगु खँय्, अले अमै, पुन्‍हि व विश्रामबार मानय् यायेगु ला कि मयायेगु धयागु खँय् नियम दय्‌के मते।