गन्‍ती 27:7 - नेवाः बाइबल

⁷ “सलोफादया म्‍ह्याय्‌पिन्‍सं पिकाःगु खँ पाय्‌छि जू। छं इमित इमि बौया थःथितिपिं नापं सर्बय‌कथं सर्बय बीमाः। छं इमिगु ल्‍हातय् इमि बौयागु सर्बय लःल्‍हानाब्‍यु।

गन्‍ती 27:7 Referans Kwoze

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

यर्मिया 49:11

छिमि मांबौ मदुपिन्‍त त्‍वःता हुँ, जिं इमित म्‍वाकातये। छिमि भाःत मदुपिं मिसातय्‌सं नं जितः भरोसा याये फु।”

यहोशू 17:4

अले इपिं एलाजार पुजाहारी, नूनया काय् यहोशू व थकालितय्‌थाय् वनाः धाल, “जिमित जिमि मिजंपिं थःथितिपिंनापं सर्बय् ब्‍यु धकाः परमप्रभुं मोशायात आज्ञा बियादीगु खः।” उकिं यहोशूं इमित परमप्रभुया आज्ञाकथं इमि ककापिं व तबाःपिंनापं सर्बय् बिल।

भजनसंग्रहया सफू 68:5

पवित्र देगलय् च्‍वनीम्‍ह परमेश्‍वर मांबौ मदुपिनि बौ खः अले भाःत मदुपिन्‍त रक्षा यानादीम्‍ह खः।

गन्‍ती 27:6

परमप्रभुं वयात थथे धयादिल,

गन्‍ती 27:8

“छं इस्राएलीतय्‌त थथे धा, ‘सुं मनू काय् मदय्‌क सिनावन धाःसा वयागु सर्बय वया म्‍ह्याय्‌यागु हे जुइ।

गन्‍ती 36:6

सलोफादया म्‍ह्याय्‌पिनिगु खँय् परमप्रभुं थथे उजं बियादीगु दु – इमिसं थःपिन्‍त यःपिं थः बौया कुलया वंशया मिजंत नापं जक ब्‍याहा यायेमाः।

गन्‍ती 36:5

अले मोशां थथे धकाः परमप्रभुया उजं इस्राएलीतय्‌त बिल, “योसेफया सन्‍तानया कुलं धाःगु खँ पाय्‌छि जू।

अय्‍यूब 42:15

सारा देशय् अय्‍यूबया म्‍ह्याय्‌पिं थें बांलाःपिं सुं नं मदु, अले इमि अबुं इमित इमि दाजुकिजापिन्‍त ति हे पु‍र्ख्‍यौली सम्‍पत्ति बिल।