गन्‍ती 25:2 - नेवाः बाइबल

² इपिं मिस्‍तय्‌सं इमित थः द्यःतय्‌त बां बीगु नखःबलय् सःतल। मिजंतय्‌सं भ्‍वय् नयाः इमि द्यःतय्‌त पुजायात।

गन्‍ती 25:2 Referans Kwoze

१ कोरिन्‍थी 10:20

जिं धायेत्‍यनागु खँ छु धाःसा मूर्तियात छाःगु फुक्‍कं भूतआत्‍मातय्‌त छाःगु खः, परमेश्‍वरयात छाःगु मखु। अय्‌जूगुलिं छिपिं भूतआत्‍मा नाप मिलय् जुयाच्‍वने मते धयागु जिगु धापू खः।

प्रस्‍थान 20:5

छिमिसं उकियात भागि याये मते, पुजा नं याये मते। छाय्‌धाःसा जि हे परमप्रभु छिमि परमेश्‍वर खः। मेपिं द्यःतय्‌त पुजा याःगु जिं सह याये मफु। जिं जितः मयय्‌कूम्‍ह मनूया अधर्मया सजाँय वया छय् व छुइपिनिगु पालय् तक नं बीम्‍ह खः।”

होशे 9:10

“अय् इस्राएल, छन्‍त दकलय् न्‍हापालाक नापलाःबलय् जितः मरुभूमिइ बुयावःगु दाख लूगु थें जुल। जिं छिमि पुर्खात दकलय् न्‍हापालाक खंबलय् जितः दाखमाय् न्‍हापां सःगु यःमरि फल खंगु थें जुल। तर इपिं बाल-पोरय् थ्‍यंबलय् इमिसं थःत घच्‍चाइपुस्‍से च्‍वंगु मूर्तितय्‌त अर्पण यात, इमिसं पुजा याःपिं मूर्ति थें इपिं मछालेपुस्‍से च्‍वंपिं जुल।

भजनसंग्रहया सफू 106:28

इमिसं पोर धाःगु थाय्‌याम्‍ह बालद्यःयात पुजा यात, अले जीवन मदुपिं द्यःतय्‌त बां ब्‍यूपिं पशुतय्‌गु ला नल।

यहोशू 22:17

छु पोरय् यानागु पाप झीत मगात ला? गुकें यानाः परमप्रभुया खलःयाथाय् महामारी वल। झीसं थौं तक नं थःपिन्‍त शुद्ध याये मफुनि?

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

१ राजा 19:18

अय्‌नं जिं इस्राएलय् न्‍हय्‌द्वःम्‍ह (७,०००) बचय् यानातये। थुपिं फुक्‍क बालया न्‍ह्यःने छ्यं क्‍वःमछुकुपिं व वयात चुप्‍पा मनःपिं खः।”

यहोशू 23:16

परमप्रभु छिमि परमेश्‍वरं छिपिंलिसें चिनादीगु बाचा छिमिसं मानय् मयात धाःसा अले मेपिं द्यःतय्‌गु सेवा व पुजायात धाःसा वय्‌कलं थःगु तम्‍वय् छिमित सजाँय बियादी। अले वय्‌कलं छिमित बियादीगु थ्‍व भिंगु देशं छिपिं याकनं नाश जुयावनी।”

यहोशू 23:7

छिमिगु दथुइ ल्‍यंदुपिं थुपिं जातितनापं स्‍वापु तये मते, इमि द्यःतय्‌गु नां काये मते, इमिगु नामय् पाफये मते। इमित पुजा याये मते अले इमित भागियाये मते।

व्‍यवस्‍था 32:38

छिमिसं सुयात बांयागु दाः छायागु खः? अले त्‍वँसाबलि बियागु खः? आः इमिसं हे छिमित ग्‍वाहालि याः वयेमा। इमिसं हे छिमित बचय् याः वयेमा!

प्रस्‍थान 23:24

इमि द्यःतय्‌त भागियाये मते, इमिगु पुजा याये मते। अय्‌नं उपिं द्यःतय्‌त स्‍यंकाब्‍यु। अले इमिसं पुजा याइगु ल्‍वहंतय्‌त तछ्यानाब्‍यु।

प्रस्‍थान 22:20

“सुनां परमप्रभु बाहेक मेपिं द्यःतय्‌त बलि छाइ, वयात नाश यायेमाः।

प्रस्‍थान 32:6

अले कन्‍हय् खुन्‍हु सुथय् न्‍हापां मनूतय्‌सं होमबलि छाल, अले मेलबलि नं हल। इपिं फेतुनाः नयेत्‍वने धुंकाः दनाः यःयःथें सन।

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”