गन्‍ती 24:19 - नेवाः बाइबल

¹⁹ याकूबपाखें छम्‍ह शासक पिहां वइ अले वं अन च्‍वंपिं बचय्‌ जूपिं छम्‍ह छम्‍हय्‌सित नाश याइ।”

गन्‍ती 24:19 Referans Kwoze

मत्ती 28:18

वय्‌कलं इमिगु न्‍ह्यःने वयाः थथे धयादिल – “संसार व स्‍वर्गयागु फुक्‍क अधिकार जितः बियातःगु दु।

मीका 5:2

“तर, हे बेथलेहेम एप्राता, छ यहूदाया कुलत मध्‍ये दकलय् चिधंगु जूसां जिगु लागिं छंकेनं छम्‍ह मिजं पिहां वइ गुम्‍हय्‌सिनं इस्राएलयात शासन याइ, गुम्‍हय्‌सिगु शुरु पुलांगु इलंनिसें हे, अर्थात दकलय् न्‍हापाया इलंनिसें हे दु।”

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

प्रकाश 19:16

वय्‌कःयागु वसतय् व वय्‌कःयागु खम्‍पाय् थ्‍व नां च्‍वयातःगु दु – “जुजुतय् नं जुजु व प्रभुतय् नं प्रभु।”

१ पत्रुस 3:22

वय्‌कः स्‍वर्गय् झायाः परमेश्‍वरया जवय् च्‍वनादीगु दु। अधिकार दुपिं, शक्ति दुपिं, व स्‍वर्गदूतत फुक्‍कं वय्‌कःया ल्‍हातय् दु।

१ कोरिन्‍थी 15:25

अथेसां ख्रीष्‍टया फुक्‍क शत्रुतय्‌त बुकाः परमेश्‍वरं वय्‌कःयागु पालि तःले मततले वय्‌कलं हे राज्‍य यानादी।

लूका 19:27

जितः जुजु मयायेत संपिं जिमि शत्रुतय्‌त हयाः जिगु न्‍ह्यःने हे स्‍या।’”

मत्ती 25:46

“थुमित सदां सास्‍ती बिया तइ। अले परमेश्‍वरं धयादी थें यानाच्‍वंपिन्‍त जक अनन्‍त जीवन दइ।”

मीका 5:4

वय्‌कलं परमप्रभुयागु शक्तिं थः परमप्रभु परमेश्‍वरया नांया गौरवय् दनाः थः बथांयात ज्‍वयादी। अले इपिं सुरक्षित जुयाच्‍वनी, छाय्‌धाःसा पृथ्‍वीया तातापाःगु थासय् तक वय्‌कःयात इज्‍जत याइ।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

हिब्रू 1:8

काय्‌यागु खँय् धाःसा वय्‌कलं थथे धयादीगु दु – “हे परमेश्‍वर, छिगु सिंहासन सदां सदां दयाच्‍वनी। छिं छिगु राज्‍यय् च्‍वंपिं मनूतय्‌त फुक्‍कसितं उतिग्‍यंक न्‍याय यानाः बांलाक शासन यानादी।

लूका 19:12

“छम्‍ह तःधंम्‍ह मनू तापाःगु देशय् वनाः थःगु देशयाम्‍ह जुजु जुयाः लिहां वयेगु धकाः वन।

गन्‍ती 24:18

एदोमयात त्‍याकाकाइ। वया शत्रु सेइरयात नं त्‍याकाकाइ। इस्राएल झन झन बल्‍लानावइ।

गन्‍ती 24:20

बालामं अमालेकीतपाखे स्‍वयाः थुकथं थःगु वचन नवात, “अमालेक दक्‍वसिबय् तःधंगु जाति खः। तर नाश जुयाः थुपिं फुनावनी।”