गन्‍ती 24:14 - नेवाः बाइबल

¹⁴ आः जि थः मनूतय्‌थाय् लिहां वनेत्‍यना। वने न्‍ह्यः जिं छितः इस्राएलीतय्‌सं छिकपिनि मनूतय्‌त लिपा छु याइतिनि धकाः कनाथके।”

गन्‍ती 24:14 Referans Kwoze

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

उत्‍पत्ति 49:1

याकूबं थःकाय्‌पिं फुक्‍कसित सःताः धाल, “छिपिं फुक्‍क थन वा, छिमित लिपा छु छु जुइतिनि धकाः जिं छिमित धाये।

प्रकाश 2:14

“अय्‌नं जिं छिमित ब्‍वःबी माःगु छुं खँ दु। इस्राएलीतय्‌त स्‍यंकेत जुजु बालाकयात खँ स्‍यंम्‍ह बालामयागु बिचाः गथे खः अथे हे याना जूपिं छिमिथाय् नं सुं दु। वं इस्राएलीतय्‌त मूर्तियागु प्रसाद नयेगु व व्‍यभिचार यायेगु खँ स्‍यनाः स्‍यंकेत स्‍वल।

२ तिमोथी 3:1

संसार फुनावनीगु इलय् तसकं दुःख जुइ धकाः सीकाति।

दानिएल 2:28

अय्‌नं स्‍वर्गय् च्‍वनादीम्‍ह परमेश्‍वरं सुलाच्‍वंगु खँ उलादी। वय्‌कलं हे लिपा छु जुइ व महाराजयात क्‍यनादीगु खः। छःपिं लासाय् द्यना च्‍वनादीबलय् खनादीगु म्‍हगस व दर्शन थुपिं हे खः –

प्रकाश 2:10

दुःख वइन धकाः छिपिं ग्‍याये मते। का स्‍व, शैतानं छिपिं मध्‍ये सुयातं झ्‍यालखानाय् कुंका बीत्‍यंगु दु। थुकथं छिपिं विश्‍वासय् गुलि बल्‍लाःपिं खः धकाः स्‍वयेत्‍यंगु दु। झिन्‍हु हे जक छिमित दुःखकष्‍ट जुइ। सी हे माला वंसां छिमिसं जितः विश्‍वास यायेगु त्‍वःते मते, अले छिमित जीवनयागु श्रीपेच बी।

प्रेरित 2:17

“‘दकलय् लिपा थथे जुइ धकाः परमेश्‍वरं धयादिल – जिं जिगु आत्‍मा फुक्‍क मनूतय्‌के प्‍वंकाबी। अले छिमि काय् म्‍ह्याय्‌पिन्‍सं अगमवाणी नवाइ। छिमि बुरापिं मनूतय्‌सं म्‍हगस खनी। अले छिमि ल्‍याय्‌म्‍ह मनूतय्‌सं दर्शन खनी।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

दानिएल 10:14

छिमि जातियापिं मनूतय्‌त लिपा छु जुइ धइगु खँ छन्‍त थुइकेत जि वयागु दु। छाय्‌धाःसा थ्‍व दर्शन लिपाया ईया बारे खः।”

यर्मिया 49:39

“अय्‌नं लिपा वइगु दिनय् जिं एलामयागु सुख शान्‍ति हाकनं लित हये,” परमप्रभुं धयादी।

यर्मिया 48:47

“अय्‌नं लिपा वइगु दिनय् जिं मोआबया सुख शान्‍ति हाकनं लित हये,” परमप्रभुं धयादी। मोआबया न्‍याय थन तक।

यशैया 24:22

परमेश्‍वरं जुजुतय्‌त कैदीतय्‌त थें गालय् तयादी। इमिगु सजाँयया ई मवतले वय्‌कलं इमित झ्‍यालखानाय् यक्‍व दिं तक कुना तयादी।

गन्‍ती 24:17

जिं वय्‌कःयात स्‍वये, तर आः थत्‍थें ला मखु। जिं वय्‌कःयात खंके, तर लिक्‍क हे ला मखु। याकूबं छगः नगु त्‍वइ, इस्राएलं छगू राजदण्‍ड पिहां वइ। वय्‌कलं मोआबया छ्यं तछ्यानादी। शेथया सन्‍तानयात नाश यानाबी।

गन्‍ती 24:25

अनंलि बालाम थःगु छेँय् लिहां वन। बालाक नं थःगु लँ लिनावन।

यहोशू 13:22

लडाइँलय् स्‍याःपिं मनूत बाहेक इस्राएलीतय्‌सं बओरया काय् ज्‍वखना स्‍वइम्‍ह बालामयात नं तरवारं स्‍याःगु खः।