गन्‍ती 23:11 - नेवाः बाइबल

¹¹ अले बालाकं बालामयात धाल, “छिं जितः छु यानादियागु? जिं छितः जिमि शत्रुतय्‌त सराः बीत सःतागु खः। छिं ला इमित छुं मयासें आशिष बियादिल।”

गन्‍ती 23:11 Referans Kwoze

नहेम्‍याह 13:2

छाय्‌धाःसा इपिं मरि व लः ज्‍वनाः इस्राएलीतलिसे नापलाः मवः अले हानं इमित सराः बीत बालामयात ज्‍याला बियाः सःतल। अय्‌नं जिमि परमेश्‍वरं व सराःयात सुवाय् हिलादिल।

गन्‍ती 24:10

बालाम खनाः बालाक तंम्‍वल। वं ल्‍हाः म्‍हुछ्यानाः बालामयात धाल, “जिं छितः जिमि शत्रुतय्‌त सराः बीत सःतागु खः, छिं ला इमित स्‍वकः स्‍वकः आशिष बियादिल।

गन्‍ती 22:17

छाय्‌धाःसा जिं छितः ततःधंगु सिरपाः बियाः हनेगु याये। अले छिं छु धयादी जिं व हे याये। अथे जुयाः झासँ थुपिं मनूतय्‌त जिगु लागिं सराः बियादिसँ।”

गन्‍ती 22:11

‘मिश्रं वःपिं मनूत वयाः देशया फुक्‍क थाय् त्‍वपुइ धुंकल। छि झायाः जिगु निंतिं इमित सराः बियादिसँ। थथे यानादिल धाःसा सके जिं इपिं नापं ल्‍वानाः इमित लिनाछ्वये फइ ला।’”

गन्‍ती 23:12

वं लिसः बिल, “परमप्रभुं जिगु म्‍हुतुइ छु तयादिल व हे नवाये म्‍वाः ला?”