गन्‍ती 22:1 - नेवाः बाइबल

¹ अले इस्राएलीत न्‍ह्याः वनाः यरीहोया उखे यर्दन खुसिया सिथय् मोआबया ख्‍यलय् पालग्‍वया च्‍वन।

गन्‍ती 22:1 Referans Kwoze

यहोशू 3:16

न्‍ह्यानावःगु लः दित, अनं खुसिया यक्‍व च्‍वय् सार्तानया न्‍ह्यःने आदम धाःगु शहर लिक्‍क हे लः छथाय् मुंगुलिं मृत-सागरय् न्‍ह्यानावंगु लः मन्‍त। उकिं मनूत यरीहोया चुलिंचू छिनावन।

व्‍यवस्‍था 34:8

अनंलि मोआबया ख्‍यलय् इस्राएलीत मोशाया लागि स्‍वीन्‍हु तक दुखं च्‍वन। थुकथं मोशाया लागि दुखं च्‍वनाः ख्‍वयेगु दिं सिधल।

व्‍यवस्‍था 34:1

अनं लिपा मोशा मोआबया ख्‍यलं यरीहो शहरया उखे पिसगा गुँझ्‍वःया नेबो पर्वत च्‍वकाय् थाहां वन। अनं परमप्रभुं वयात फुक्‍क देश क्‍यनादिल – गिलादंनिसें दान तक,

व्‍यवस्‍था 3:8

उबलय् झीसं थुपिं निम्‍ह एमोरी जुजुतय्‌गु ल्‍हातिं अर्नोन खुसिया न्‍हसिकापंनिसें हेर्मोन पर्वत तक यर्दनया पुर्बपाखेया देश कया।

व्‍यवस्‍था 1:5

यर्दनया पुर्बपाखे मोआब देशय् मोशां थ्‍व नियमयात ध्‍वाथुइकेत थुकथं कनाहल।

गन्‍ती 36:13

परमप्रभुं यरीहो शहरया उखे यर्दन खुसिया सिथय् मोआबया ख्‍यलय् मोशापाखें इस्राएलीतय्‌त बियादीगु उजं व नियम थुपिं हे खः।

गन्‍ती 34:15

थुपिं निगू व बागू कुलं यरीहोया मेखेपाखे यर्दन खुसिया पुर्बपाखे थथःगु सर्बय काये धुंकूगु दु।”

गन्‍ती 32:19

जिमिसं यर्दनया उखे छुं नं सर्बय नं काये मखु। बरु जिपिं थन हे पुर्बपाखे थःगु सर्बय‌कथं वःगु थासय् हे च्‍वने।”

गन्‍ती 21:20

अनं इपिं मोआबया गालय् वन। अन दुगु पिसगाया च्‍वकां मरुभूमि खने दु।

गन्‍ती 26:3

अले मोशा व एलाजार पुजाहारीं यरीहो शहरया उखे यर्दन खुसि सिथय् मोआबया ख्‍यलय् इमित मुंकाः थथे धाल,

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

गन्‍ती 31:12

अले उपिं ज्‍वनातःपिं मनूतय्‌त, पशुतय्‌त व लाकाकाःगु सामान यरीहो शहरया उखे यर्दन खुसिया सिथय् मोआबया ख्‍यलय् दुगु छाउनीइ मोशा, एलाजार पुजाहारी व इस्राएलया फुक्‍क खलःयाथाय् हल।

गन्‍ती 35:1

परमप्रभुं यरीहो शहरया उखे यर्दन खुसिया सिथय् मोआबया ख्‍यलय् मोशायात धयादिल,