गन्‍ती 21:8 - नेवाः बाइबल

⁸ परमप्रभुं मोशायात धयादिल, “छं सर्पयागु छगू झ्‍वाता दय्‌काः उकियात थामय् यख्‍खानाब्‍यु। सर्पं न्‍याःपिं मनूतय्‌सं उकियात स्‍वये धुंकाः इपिं म्‍वाइ।”

गन्‍ती 21:8 Referans Kwoze

यूहन्‍ना 3:14

मरुभूमिइ मोशां धलोतं दय्‌का तःम्‍ह सर्पयात यख्‍खाःथें मनूया काय्‌यात नं यख्‍खाइतिनि।

भजनसंग्रहया सफू 145:8

परमप्रभु दया माया दुम्‍ह खः। वय्‌कः तंचायेत लिबाकादीम्‍ह व तसकं दया माया यानादीम्‍ह खः।

२ राजा 18:4

वं पुजा याइगु थाय् चीकाछ्वल, च्‍वखगु ल्‍वहंया थांत तछ्यानाबिल, अशेरा द्यःमय्‌जुया थांत त्‍वाःल्‍हानाबिल। वं मोशां दय्‌कूगु कँय्‌या सर्प कुचा कुचा यानाबिल, छाय्‌धाःसा अबलय् तक इस्राएलीतय्‌सं उकिया निंतिं धुपाँय् च्‍याका वयाच्‍वंगु खः। इमिसं वयात नहूश्‍तान धाइगु।

यशैया 14:29

हे फुक्‍क पलिश्‍तीत, छिमित दाइगु कथि त्‍वधूल धकाः लय्‌ताये मते, छाय्‌धाःसा छम्‍ह सर्प सी सा वया थासय् मेम्‍ह बिष दुम्‍ह सर्प वइ। वया खेँचं अप्‍वः बिष दुम्‍ह सर्प पिहां वइ।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।