गन्‍ती 21:6 - नेवाः बाइबल

⁶ अले परमप्रभुं इमिगु थासय् बिख दुपिं सर्प छ्वयादिल अले सर्पतय्‌सं मनूतय्‌त न्‍यानाः तःम्‍ह हे इस्राएलीत सित।

गन्‍ती 21:6 Referans Kwoze

१ कोरिन्‍थी 10:9

इपिं मध्‍ये गुलिंसिनं याःगु थें झीसं नं प्रभुयागु मन स्‍वये मज्‍यू। इमिसं अथे याःगुलिं इमित सर्पं न्‍याकाः स्‍यानादिल।

यर्मिया 8:17

“स्‍व! जिं थःम्‍हं हे छिमिथाय् बिख दुपिं सर्पत छ्वयाहये, अज्‍याःपिं सर्पतय्‌त कःघाये फइ मखु। अले इमिसं छिमित न्‍याइ” परमप्रभुं धयादी।

व्‍यवस्‍था 8:15

वय्‌कलं छिमित बिख दुपिं सर्प व बिच्‍छी दुगु, लः मदुगु व गंगु बँ दुगु भरायधंगु व ग्‍यानपुसे च्‍वंगु मरुभूमिया दथुं हयादिल। वय्‌कलं छिमिगु निंतिं छाःगु ल्‍वहँतं लः पिकयादिल।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यशैया 14:29

हे फुक्‍क पलिश्‍तीत, छिमित दाइगु कथि त्‍वधूल धकाः लय्‌ताये मते, छाय्‌धाःसा छम्‍ह सर्प सी सा वया थासय् मेम्‍ह बिष दुम्‍ह सर्प वइ। वया खेँचं अप्‍वः बिष दुम्‍ह सर्प पिहां वइ।

इजकिएल 14:15

“धाये कि, जिं उगु देशय् गुँपशुत छ्वल, अले वयात काय्‌म्‍ह्याय् मदुपिं यानाबिल अले व देश उजाड जुल, उपिं पशुतय्‌सं यानाः उगु थासं सुं वये वने मफुत,