गन्‍ती 21:23 - नेवाः बाइबल

²³ अय्‌नं सीहोनं इस्राएलीतय्‌त थःगु देशं जुयावने मब्‍यू। वं थः सेना मुंकाः इस्राएलीतनापं ल्‍वायेत मरुभूमिइ वयाः यहसाय् थ्‍यंकाः अन हे इपिं नापं ल्‍वात।

गन्‍ती 21:23 Referans Kwoze

न्‍यायकर्ता 11:20

अय्‌जूसां सीहोनं इस्राएलयात वयागु देश जुयाः वने बीत पत्‍याः मयात। वं थः सकल सिपाइँतय्‌त मुंकल, अले यहसाय् छाउनी तयाः इस्राएललिसें लडाइँ यात।

यर्मिया 48:34

“हेश्‍बोनं इपिं ख्‍वःगु सः एलाले व यहश तक हे थ्‍यंगु दु, सोअरंनिसें होरोनैम व एग्‍लत-शलीशियाह तक हे, छाय्‌धाःसा निम्रीमया लः नं सुनावने धुंकल।

यशैया 15:4

हेश्‍बोन व एला तःसलं ख्‍वइ। इपिं ख्‍वःगु सः यहसा तक हे ताये दु। अथे जुयाः मोआबया ल्‍वाभः ज्‍वनातःपिं मनूत तःसलं हालाः ख्‍वइ अले इमिगु नुगः भाराभारा मिनाः ग्‍याइ।

गन्‍ती 20:21

थुकथं एदोमं इमिगु देश दुने जुयाः वने मब्‍यूगुलिं इस्राएलीत अनं लिहां वल।

यहोशू 13:18

यहसा, कदेमोत, मेपात,

यर्मिया 48:21

तज्‍जाःगु माथंवंगु थाय्‌या न्‍याय वःगु दु अर्थात होलोन, यहसाह व मेपात,

आमोस 2:9

“जिं थःम्‍हं हे इमिगु न्‍ह्यःने एमोरीतय्‌त भज्‍यंक नाश यानाबिया, इपिं खयः सिमा ति तःजाः अले स्‍वसिमा थें बल्‍लाः जूसां नं, जिं इमिगु च्‍वय्‌च्‍वंगु फल व इमिगु क्‍वय् च्‍वंगु हा नाश यानाबिया।

गन्‍ती 20:18

अय्‌नं एदोमं इमित धाल, “छिपिं जिमिगु देश जुयावने दइ मखु, मखुसा तरवार ज्‍वनाः जिमिसं छिमित हमला याः वये।”

व्‍यवस्‍था 4:46

यर्दनया पुर्बय् बेथ-पोर न्‍ह्यःनेया ब्‍यासिइ मोशा व इस्राएलीतय्‌सं मिश्रं पिहां वये धुंकाः स्‍यानाब्‍यूम्‍ह हेश्‍बोनय् च्‍वनीम्‍ह एमोरीतय् जुजु सीहोनयागु देशय् थुपिं विधि, आज्ञा व नियम ब्‍यूगु खः।