गन्‍ती 21:16 - नेवाः बाइबल

¹⁶ अनं इपिं बेअरय् वन। परमप्रभुं मोशायात “मनूत मुं अले जिं इमित लः बी धकाः धयादीगु तुं अन हे दु।”

गन्‍ती 21:16 Referans Kwoze

गन्‍ती 20:8

“थ्‍व कथि कयाः छ व छिमि दाजु हारून वनाः खलःयात मुंकि। इमिगु न्‍ह्यःने हे थ्‍व ल्‍वहंयात उजं ब्‍यु, अले ल्‍वहँतं लः पिहां वइ। छं थ्‍व ल्‍वहँतं इमित लः पिकाइ। थुकथं छं खलः व इमि सा द्वहंतय्‌त लः बी।”

यशैया 12:3

बुंगाःचाया लखं लसता हः थें अथे हे थ्‍व मुक्तिं यानाः छिपिं लय्‌ताइ।

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 21:6

वय्‌कलं जितः धयादिल – “आः सिधल। अल्‍फा व ओमेगा जि हे खः। शुरु व अन्‍त जि हे खः। प्‍याचाःपिन्‍त जिं जीवनया बुंगाःयागु लः सितिकं त्‍वंके।

यशैया 43:20

ध्‍वंचात व न्‍हिकांझंगःत, व मरुभूमियापिं मेपिं पशुतय्‌सं जितः हनाबना तइ, छाय्‌धाःसा जिं थः मनूतय्‌त, जिं ल्‍ययातयापिन्‍त त्‍वनेगु निंतिं मरुभूमिइ लः अले गंगु बँय् खुसिबाः न्‍ह्याकाबी।

न्‍यायकर्ता 9:21

अले योताम बिस्‍युं वन। थः दाजु अबीमेलेक खनाः ग्‍यागुलिं योताम बेअर धाःगु थासय् बिस्‍युं वनाः अन हे च्‍वन।

प्रस्‍थान 17:6

जि होरेबया ल्‍वहँतय् छंगु न्‍ह्यःने दंवये। छं ल्‍वहँतय् कथिं दा, अले अनं मनूतय्‌सं त्‍वनेगु लः पिहां वइ।” अले मोशां थकालितय्‌गु न्‍ह्यःने अथे हे यात।

यूहन्‍ना 4:14

तर जिं बियागु लः त्‍वनीपिं मनूतय्‌त गुबलें हे प्‍याः चाइ मखु। जिं बियागु लः हे व मनूयाके बुंगाःचा थें जुयाः अनन्‍त जीवन तक बुयावया च्‍वनी।”

यूहन्‍ना 4:10

येशूं वयात धयादिल – “छं परमेश्‍वरं बियादीगु दान स्‍यूगु जूसा, अले छंके लः फ्‍वंम्‍हय्‌सित म्‍हस्‍यूगु जूसा, छं वयाके हे लः त्‍वनेत फ्‍वनीगु जुइ। अले वं हे छन्‍त जीवन दइगु लः बीगु जुइ।”

यशैया 49:10

इमित न नये मास्‍ति वइ न प्‍याः चाइ, न इमित मरुभूमिइ निभालं पुइ, छाय्‌धाःसा जिं इमित दयामाया याये अले ब्‍वनायंके। अले जिं इमित लः दुगु थासय् यंके।

उत्‍पत्ति 21:19

अले परमेश्‍वरं वयात छगू बुंगाःचा क्‍यनादिल। वं वनाः छेंगूया म्‍हिचाय् लः तयाः थःकाय्‌यात त्‍वंकल।

गन्‍ती 33:46

इपिं दीबोन-गादं वनाः आल्‍मोन-दिब्‍लातैमय् बाय् च्‍वन।

यशैया 15:8

इमिगु दुःखया थ्‍वःसः मोआबया सिमानाय् तक हे थ्‍यंगु दु, इमिगु ख्‍वःसः सोर एग्‍लैम तक व इमिगु बिलाप बेअर-एलीम तक हे थ्‍यंगु दु।