गन्‍ती 20:5 - नेवाः बाइबल

⁵ छाय् जिमित मिश्रं थ्‍व ग्‍यानपुसे च्‍वंगु थासय् हयादियागु? थ्‍व थासय् अन्‍न, यःमरिसि, दाख व धालेसि छुं नं मदु। थन त्‍वनेगु लः नं मदु।”

गन्‍ती 20:5 Referans Kwoze

गन्‍ती 16:14

छिं जिमित दुरु व कस्‍ति बाः वयाच्‍वंगु देशय् हयादीगु मदु। अले जिमिगु अधिकारय् बुँ व दाखया क्‍यब नं बियादीगु मदु। छु! छितः थुपिं मनूतय्‌त दासतय्‌त थें व्‍यवहार याये मास्‍ति वः ला? जिपिं वये हे मखु।”

इजकिएल 20:36

जिं मिश्र देशय् छिमि पुर्खातय्‌गु न्‍याय यानागु थें हे जिं छिमिगु न्‍याय याये। जि, परमप्रभु परमेश्‍वर न्‍ववानागु दु।

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

नहेम्‍याह 9:21

छिं मरुभूमिइ पिइदँ तक इमित लहिनादिल, इमित छुं खँयागु मगाःमचाः मजुल, इमिगु वसः मगू, इमिगु तुति मना मवः।

व्‍यवस्‍था 8:15

वय्‌कलं छिमित बिख दुपिं सर्प व बिच्‍छी दुगु, लः मदुगु व गंगु बँ दुगु भरायधंगु व ग्‍यानपुसे च्‍वंगु मरुभूमिया दथुं हयादिल। वय्‌कलं छिमिगु निंतिं छाःगु ल्‍वहँतं लः पिकयादिल।

गन्‍ती 20:24

“हारून सिनाः थः पुर्खातनापं मिलय् जू वनी। छिपिं निम्‍हं मेरीबाया लखय् जिगु वचनया विरोधय् वंगुलिं जिं इस्राएलीतय्‌त बीत्‍यनागु देशय् व वने दइ मखु।

गन्‍ती 27:14

छाय्‌धाःसा छिपिं निम्‍हय्‌सिनं जीनया मरुभूमिइ जिगु आज्ञाया विरोधय् विद्रोह यात। सकल इस्राएलया मनूतय्‌सं लःया निंतिं विद्रोह याःबलय् छिमिसं इमित जिगु पवित्रता क्‍यने मफुत।” (थ्‍व जीनया मरुभूमिइ मेरीबा कादेशया लखय् जूगु खः।)