गन्‍ती 20:18 - नेवाः बाइबल

¹⁸ अय्‌नं एदोमं इमित धाल, “छिपिं जिमिगु देश जुयावने दइ मखु, मखुसा तरवार ज्‍वनाः जिमिसं छिमित हमला याः वये।”

गन्‍ती 20:18 Referans Kwoze

गन्‍ती 24:18

एदोमयात त्‍याकाकाइ। वया शत्रु सेइरयात नं त्‍याकाकाइ। इस्राएल झन झन बल्‍लानावइ।

गन्‍ती 20:19

इस्राएलीतय्‌सं जुजुयाथाय् हानं धाय्‌के छ्वल, “जिपिं मू लँ जुया जक वने, अले जिमिसं व जिमि पशुतय्‌सं छिगु लः त्‍वंसा उकिया मू पुले। जिमित मेगु छुं मखु। छिगु देशं न्‍यासि वने जक बियादिसँ।”

गन्‍ती 20:20

हानं इमिसं लिसः बिल, “छिपिं वये दइ मखु।” अले एदोमं छगू तःधंगु व बल्‍लाःगु सेना ज्‍वनाः इपिं लिसे ल्‍वायेत वल।

गन्‍ती 21:4

इपिं एदोम देशं पिने पिने चाहिला वनेत होर पर्वतं लाल समुद्रया लँ जुयावन। अय्‌नं मनूत यात्राया हुनिं आय्‌बुल।

गन्‍ती 21:23

अय्‌नं सीहोनं इस्राएलीतय्‌त थःगु देशं जुयावने मब्‍यू। वं थः सेना मुंकाः इस्राएलीतनापं ल्‍वायेत मरुभूमिइ वयाः यहसाय् थ्‍यंकाः अन हे इपिं नापं ल्‍वात।

व्‍यवस्‍था 2:29

सेइरय् च्‍वनिपिं एसावया सन्‍तान व आरय् च्‍वनिपिं मोआबीतय्‌सं याःगु थें छिं जिमित यानादिसँ। थुकथं जिपिं यर्दन खुसि छिनाः परमप्रभु जिमि परमेश्‍वरं बियादीगु देशय् थ्‍यंकः वने।”