गन्‍ती 19:3 - नेवाः बाइबल

³ छं एलाजार पुजाहारीयात व साचा ब्‍यु। वयात छाउनीं पिने यंकाः वयागु न्‍ह्यःने वयात स्‍यायेमाः।

गन्‍ती 19:3 Referans Kwoze

लेवी 4:12

पुजाहारीं थ्‍व फुक्‍क छाउनी पिने नउ वाइगु विधिकथं शुद्ध जूगु थासय् यंकाः सिँ द्यःने तयाः छ्वय्‌केमाः।

लेवी 4:21

पुजाहारीं व द्वहंयात छाउनी पिने यंकाः न्‍हापांयाम्‍हय्‌सित छ्वय्‌कू थें छ्वय्‌केमाः। थ्‍व इस्राएलया फुक्‍क मनूतय्‌गु निंतिं पापबलि खः।

गन्‍ती 15:36

परमप्रभुं मोशायात उजं बियादीगु थें फुक्‍क खलकं वयात छाउनीं पिने हल, अले वयात ल्‍वहँतं कय्‌काः स्‍यानाबिल।

गन्‍ती 5:2

“इस्राएलीतय्‌त छेंगूयागु पुनेयःगु ल्‍वय् दुपिं, धातुया ल्‍वय् दुपिं व सीम्‍ह थियाः अशुद्ध जूपिं दक्‍वसित छाउनीं पितिनाछ्व धकाः उजं ब्‍यु।

गन्‍ती 3:4

नादाब व अबीहू धाःसा सीनैया मरुभूमिइ परमप्रभुयात छाये मत्‍यःगु मि छाःबलय् अन हे सित। इमि काय्‌मस्‍त नं मदुगुलिं एलाजार व ईतामारं जक थः बौ हारून म्‍वानाच्‍वंतले पुजाहारी जुयाः सेवा यात।

लेवी 24:14

“व सराः ब्‍यूम्‍हय्‌सित छाउनी पिने यंकि अले वं धाःगु खँ न्‍यंपिं फुक्‍कसिनं थथःगु ल्‍हाः वयागु छेनय् तयेमाः, अनंलि फुक्‍क खलकं वयात ल्‍वहँतं कय्‌काः स्‍यायेमाः।

लेवी 16:27

हिपाखें प्रायश्‍चित यायेत महा-पवित्रगु थासय् हःगु पापबलिया द्वहं व दुगुयात छाउनीं पिने यंकाः इमिगु छेंगू, ला व आतापुति मिइ छ्वयेका छ्वयेमाः।

लेवी 4:11

तर द्वहंया छेंगू, फुक्‍क ला, छ्यं, तुति व आतापुति भ्‍वरि सौ नापं

गन्‍ती 19:9

“सुं छम्‍ह शुद्धम्‍ह मनुखं व साचायागु नउ मुंकेमाः, अले उकियात छाउनीं पिने छगू शुद्ध जूगु थासय् तयेमाः। थ्‍व नउ इस्राएली खलकं शुद्ध याइगु लखय् छ्यलेत तया तयेमाः। थ्‍व लः पाप चीकाछ्वयेगु ज्‍याझ्‍वलय् छ्यली।