गन्‍ती 19:18 - नेवाः बाइबल

¹⁸ अले छम्‍ह शुद्धम्‍ह मनुखं हिसपमा कयाः व लखय् थुनाः पाल, पालय् दुगु थलबल व अन दुपिं मनूतय्‌त छ्वाकेमाः। सीम्‍हया क्‍वँय्, स्‍याःम्‍ह मनूया सीम्‍ह, थःगु कालगतिं सीम्‍ह मनूयात वा सीगाःयात थ्‍यूम्‍ह मनूयात नं अथे हे छ्वाकेमाः।

गन्‍ती 19:18 Referans Kwoze

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

गन्‍ती 19:9

“सुं छम्‍ह शुद्धम्‍ह मनुखं व साचायागु नउ मुंकेमाः, अले उकियात छाउनीं पिने छगू शुद्ध जूगु थासय् तयेमाः। थ्‍व नउ इस्राएली खलकं शुद्ध याइगु लखय् छ्यलेत तया तयेमाः। थ्‍व लः पाप चीकाछ्वयेगु ज्‍याझ्‍वलय् छ्यली।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

यूहन्‍ना 17:17

छिगु सत्‍यं इमित पवित्र यानादिसँ, छाय्‌धाःसा छिगु वचन सत्‍य खः।

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

हिब्रू 9:19

मोशां व्‍यवस्‍थाय् च्‍वयातःगु फुक्‍क आज्ञा ब्‍वना न्‍यंकूबलय् दुगुचा व द्वहंचायागु हि ल्‍वाकछ्यानातःगु लः, हिसप घाँय् व ह्याउँगु ऊनं व्‍यवस्‍थायागु सफुलिइ व मनूतय्‌त थथे धकाः हा यात –

गन्‍ती 19:17

“व अशुद्धम्‍ह मनूयात शुद्ध यायेत शुद्ध जुइगु बलिकथं छ्वयेकूम्‍ह साया नउ कयाः थलय् तयाः उकी नीलः तयेमाः।

गन्‍ती 19:19

शुद्धम्‍ह मनुखं अशुद्ध जूम्‍ह मनूयात स्‍वन्‍हु खुन्‍हु व न्‍हय्‌न्‍हु खुन्‍हु व लखं छ्वाकेमाः। न्‍हय्‌न्‍हु खुन्‍हु वं अशुद्धम्‍ह मनूयात शुद्ध यायेमाः। अले शुद्ध जूम्‍हय्‌सिनं थःगु वसः हियाः म्‍वःल्‍हुइमाः, अले सन्‍ध्‍याकाः इलय् व शुद्ध जुइ।

यशैया 52:15

तर आः यक्‍व जातित वयात खनाः वातां जुइ। वयागु कारणं जुजुपिं सुम्‍क च्‍वनी। छाय्‌धाःसा इमित धा हे मधाःगु खँ इमिसं खनी, इमिसं न्‍यँ हे मन्‍यंगु खँ इमिसं थुइकी।

भजनसंग्रहया सफू 51:9

जिगु पापपाखें छिगु ख्‍वाः फहीकादिसँ, अले जिगु फुक्‍क अधर्म हुयाछ्वयादिसँ।