गन्‍ती 18:23 - नेवाः बाइबल

²³ नापलायेगु पालया ज्‍या धाःसा लेवीतय्‌सं यायेमाः। उकिया विरोधय् जूगु अपराधया जिम्‍मा इमिसं हे कायेमाः। थ्‍व न्‍ह्याबलें इमिगु सन्‍तानया जिम्‍मा खः। इस्राएलीतय्‌गु दथुइ धाःसा इमिगु छुं नं सर्बय दइ मखु।

गन्‍ती 18:23 Referans Kwoze

गन्‍ती 3:7

इमिसं नापलायेगु पालय् पवित्र पालया ज्‍या यानाः हारून व फुक्‍क खलःया निंतिं यायेमाःगु ज्‍या याइ।

गन्‍ती 18:20

हानं परमप्रभुं हारूनयात धयादिल, “इस्राएलीतय् देशया जग्‍गा-जमिनय् छंगु सर्बय दइ मखु। इपिं नाप नापं छंगु छुं नं ब्‍व दइ मखु। इस्राएलीतय्‌गु दथुइ छंगु ब्‍व व सर्बय जि हे खः।

गन्‍ती 18:1

परमप्रभुं हारूनयात धयादिल, “पवित्र लागाय् जुइगु अपराधया जिम्‍मा छंगु, छिमि काय्‌पिनिगु व छिमि परिवारयागु जुइ। पुजाहारीया ज्‍या लिसे स्‍वापु दुगु ज्‍याखँयागु जिम्‍मा जक छंगु व छिमि काय्‌पिनिगु जुइ।

प्रस्‍थान 27:21

पवित्र पालय् बाचा चिनातःगु सनूया न्‍ह्यःने च्‍वंगु पर्दाया पिने हारून व वया काय्‌पिन्‍सं सन्‍ध्‍याकाः ई निसें सुथय् तक परमप्रभुया न्‍ह्यःने पाल्‍चा मदिक्‍क च्‍याकेमाः। थ्‍व उजं इस्राएली व वया सन्‍तानयात न्‍ह्याबलेंया निंतिं जुइमाः।”

गन्‍ती 26:62

लच्‍छि व लच्‍छिं च्‍वय्‌यापिं लेवी मिजंतय्‌गु ल्‍याः २३,००० म्‍ह दु। इमित मेपिं इस्राएलीतलिसें ल्‍याः मखा, छाय्‌धाःसा इमित इस्राएलीतय्‌गु दथुइ छुं सर्बय ब्‍यूगु मदु।

इजकिएल 44:10

“‘इस्राएलीत मखुगु लँय् वंगु दिनंनिसें जिपाखें तापाना वंपिं लेवीतय्‌सं व जितः त्‍वःताः थःगु मूर्तिया ल्‍यूल्‍यू जुया जूपिं लेवीतय्‌सं थःगु पापया सजाँय फये हे माः।

गन्‍ती 19:21

इमिगु निंतिं थ्‍व लिपा थ्‍यंकया नियम जुइमाः। “शुद्ध यायेगु लः छ्वाकूम्‍हय्‌सिनं नं थःगु वसः हीमाः। शुद्ध यायेगु लः थ्‍यूम्‍ह मनू नं सन्‍ध्‍याकाः इलय् तक अशुद्ध जुइ।

गन्‍ती 35:29

“‘छिपिं न्‍ह्याथाय् च्‍वंसां छिपिं व छिमि लिपाया फुक्‍क पुस्‍ताय् थ्‍व विधि दया हे च्‍वनी।

व्‍यवस्‍था 10:9

अथे जूगुलिं परमप्रभुं लेवीया सन्‍तानतय्‌त मेगु इस्राएली कुलतय्‌त थें ब्‍व व सर्बय बियामदी। परमप्रभु छिमि परमेश्‍वरं इमित धयादीगु थें परमप्रभु हे इमिगु सर्बय खः।)

यहोशू 13:14

तर वं लेवी कुलयात सर्बय् मब्‍यू, छाय्‌धाःसा वय्‌कःया बचंकथं परमप्रभु इस्राएलया परमेश्‍वरयात छाःगु विशेष देछा हे इमिगु सर्बय् खः।