गन्‍ती 18:18 - नेवाः बाइबल

¹⁸ अले संकाबीगु बलिया ह्याकुला व जव खम्‍पा थें थुकियागु ला नं छंगु हे जुइमाः।

गन्‍ती 18:18 Referans Kwoze

१ शमूएल 9:24

अथे जुयाः ज्‍वरय् याःम्‍हय्‌सिनं ज्‍वरय् यानातःगु बांया तुति व खम्‍पा शाऊलया न्‍ह्यःने तयेहल। अले शमूएलं धाल, “छंगु निंतिं तया तयागु लाया ब्‍व थ्‍व हे खः। भपियादिसँ, पाहांत सःतागु जूसां जिं थ्‍व पाहांत नापं नयेत छिगु निंतिं धकाः तया तयागु खः।” अथे जुयाः शाऊलं उखुन्‍हु शमूएलनापं हे नयेत्‍वने यात।

नहेम्‍याह 10:37

“दँय्‌दसं थःगु बुँयागु न्‍हापांगु अन्‍नया न्‍हायातःगु छ्वचुं व जिमिसं छायेमाःगु छ्वचुं व जिमिसं छायेमाःगु फुक्‍क कथंयागु फलफुल, न्‍हूगु दाखमद्य, जैतूनया चिकं जिमि परमेश्‍वरया देगःया धुकुतिइ पुजाहारीतय्‌थाय् हये। “अले लेवीतय् थाय् जिमिगु बुँयागु झिब्‍वय् छब्‍व हयेत जिमिसं बचं बी। शहरय् झिब्‍वय् छब्‍व मुनेत वःपिं लेवीतय्‌त जिमिसं थःगु बुँइ सःगु अन्‍नया झिब्‍वय् छब्‍व बी।