गन्‍ती 18:16 - नेवाः बाइबल

¹⁶ लच्‍छि दये धुंकाः पवित्र पालया शेकेलकथं छं क्‍वःछीगु न्‍यागू शेकेल मू पुलाः इमित लिफ्‍यायेमाः, छगू शेकेलया तौल निइगू गेरा दइ।

गन्‍ती 18:16 Referans Kwoze

प्रस्‍थान 30:13

मिजंम्‍ह मनूत ल्‍याःखाइबलय् इपिं छम्‍ह छम्‍हय्‌सिनं पवित्र पालया शेकेलकथं बच्‍छि शेकेल बीमाः। थ्‍व छगू शेकेल धयागु निइगू गेरा खः। थ्‍व बच्‍छि शेकेल परमप्रभुयात देछा खः। पवित्र थाय्‌यागु शेकेलकथं छगू शेकेल १२ ग्राम वहः खः।

गन्‍ती 3:47

छम्‍हय्‌सियागु मूकथं इमिपाखें न्‍यागू न्‍यागू शेकेल का। थ्‍व पवित्र पालया शेकेलकथं जुइमाः। छगू शेकेलय् निइगू गेरा दइ।

इजकिएल 45:12

ओजनया तौल थथे जुइमाः २० गेरा=एक शेकेल। ६० शेकेल=एक मीना।

लेवी 27:25

क्‍वःछ्यूगु मू फुक्‍कं पवित्र पालया वहःया शेकलकथं जुइमाः। निइगू गेराया छगू शेकेल खः।

प्रस्‍थान 38:24

पवित्र पालया शेकेलकथं ज्‍याया निंतिं संकाबीगु बलिया लुँ पवित्र पालया शेकेलया ल्‍याःकथं द्वःछि किलोग्राम दु।

गन्‍ती 3:46

लेवीतय् ल्‍याः स्‍वयाः अप्‍वः दुपिं इस्राएलीतय् न्‍हापां बूपिं काय्‌पिनिगु ल्‍याः २७३ म्‍ह दु। थुमित लिफ्‍यायेत

गन्‍ती 18:15

परमप्रभुयात देछाःपिं न्‍हापां बूपिं मनू जूसां वा पशु जूसां छन्‍त हे खः। अय्‌नं काय्‌पिं वा अशुद्ध पशुतय् न्‍हापां बूपिन्‍त धाःसा छं लिफ्‍यायेमाः।

गन्‍ती 18:17

“अय्‌नं द्वहं, फै वा दुगुया न्‍हापां बूपिन्‍त लिफ्‍याये मते! इपिं पवित्रपिं खः। इमिगु हि वेदीइ छ्वाकि। अले परमप्रभुया निंतिं यःगु नस्‍वाः जुइत विशेष देछाकथं इमिगु दाः छ्वय्‌का छ्व।