गन्‍ती 18:12 - नेवाः बाइबल

¹² “इस्राएलीतय्‌सं दँय्‌दसं जितः छायेहइगु न्‍हापांगु बालीया भिंगु भिंगु फुक्‍कं जिं छन्‍त हे बियागु दु, गथेकि, जैतूनया चिकं, न्‍हूगु दाखमद्य व अन्‍न।

गन्‍ती 18:12 Referans Kwoze

व्‍यवस्‍था 18:4

अन्‍न, न्‍हूगु दाखमद्य, जैतूनया चिकं व फैया न्‍हापां चाःगु सँ छिमिसं पुजाहारीतय्‌त बीमाः।

प्रस्‍थान 23:19

“छिमिगु बुँइ सःगु दक्‍वसिबय् भिंगु न्‍हापांगु फल परमप्रभु थः परमेश्‍वरया छेँय् हजि। “च्‍वलय्‌चिया मचायात वया मांयागु दुरुइ दय्‌के मते।”

प्रस्‍थान 34:26

“छिमिगु बुँयागु दकलय् भिंगु न्‍हापां सःगु अन्‍न व फल परमप्रभु छिमि परमेश्‍वरयाथाय् हजि। “सुं च्‍वलेचाया मचायात वया मांया दुरुइ दय्‌के मते।”

व्‍यवस्‍था 26:2

परमप्रभु छिमि परमेश्‍वरं छिमित बियादीगु देशय् सःगु न्‍हापांगु बालीया छुं फल छगः दालाय् तयाः परमप्रभु छिमि परमेश्‍वरं थःगु निंतिं ल्‍ययादीगु विशेष थासय् यंकि।

लेवी 23:20

पुजाहारीं परमप्रभुया न्‍ह्यःने, न्‍हापांगु फलया मरिनापं संकाः बीगु बलिकथं निम्‍ह चिधिकःपिं भ्‍याःचायात संकाः छायेमाः। थ्‍व पुजाहारीया निंतिं परमप्रभुयात छाःगु पवित्र बलि जुइ।

लेवी 23:17

छिपिं न्‍ह्याथाय् जूसां छिमिसं न्‍हापांगु बालीया छगू एपाया झिब्‍वय् निब्‍व भिंगु छुचुंया सोडा ल्‍वाकछ्यानातःगु निपा मरि परमप्रभुया निंतिं संकाः बीगु बलिकथं छाये हयेमाः।

लेवी 2:14

“‘परमप्रभुया निंतिं न्‍हापांगु फलयागु अन्‍नबलि छायेगु इच्‍छा दुसा छिमिसं मिं छूगु व क्‍यलातःगु ताजा अन्‍न छायेमाः।

प्रस्‍थान 22:29

“जितः थःगु बुँयागु बाली व दाखरस छायेत लिबाके मते। “छिमिसं थःपिनि न्‍हापां बूपिं काय्‌पिं जिगु निंतिं फ्‍यायेमाः।

उत्‍पत्ति 27:28

परमेश्‍वरं छन्‍त आकाशं सुति गाय्‌काः बुँइ यक्‍व सय्‌काः आशिष बियादीमा। अले यक्‍व अन्‍न व दाखमद्य बियादीमा।

व्‍यवस्‍था 18:3

सा द्वहं वा फैच्‍वलय् बां बीबलय् मनूतय्‌सं पुजाहारीतय्‌त ब्‍वहः, निपां न्‍यताः अले आतापुति बीमाः। पुजाहारीतय्‌गु ब्‍व थ्‍व हे खः।

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।

भजनसंग्रहया सफू 81:16

इस्राएलीतय्‌त धाःसा दक्‍वसिबय् भिंगु छ्व नकेगु खः, ल्‍वहं कस्‍तिं छिमित लुधंकिगु खः।”

भजनसंग्रहया सफू 147:14

वय्‌कलं छंगु सिमानाय् शान्‍ति हयादी, वय्‌कलं भिंगु छ्वपाखें छंगु पित्‍याः लंकादी।

इजकिएल 44:30

फुक्‍क न्‍हापां सःगु फलतय् दकलय् भिंगु न्‍हापांगु फलत व छिमिगु फुक्‍क कथंयागु व विशेष क्‍वसेलि फुक्‍क पुजाहारीतय्‌गु हे जुइ। छिमिगु घरानाय् आशिष वयेत न्‍हायातःगु छुचुंयागु दकलय् न्‍हापायागु ब्‍व नं पुजाहारीतय्‌त हे ब्‍यु!

लेवी 2:12

व धाःसा न्‍हापांयागु फलया देछाकथं परमप्रभुया न्‍ह्यःने छाःसां ज्‍यू। नस्‍वाःया लागिं धाःसा उकियात वेदीइ छ्वय्‌के मते।

२ राजा 4:42

बाल-शलीशायाम्‍ह छम्‍ह मनुखं परमेश्‍वरया मनूया निंतिं उगु दँया बालीया न्‍हापां सःगु तछ्वया निइपा मरि व थःगु बोराय् न्‍हूगु अन्‍नया धेत भचा ज्‍वनावल। एलीशां धाल, “उपिं मनूतय्‌त थ्‍व नयेत ब्‍यु।”

२ इतिहास 31:5

अथे आज्ञा जुइवं इस्राएलयापिं मनूतय्‌सं थःगु अन्‍न, न्‍हूगु दाखमद्य, जैतूनया चिकं, कस्‍ति व बुँइया फुक्‍क कथंया न्‍हापां सःगु बिल। इमिसं थःके दुगु फुक्‍क खँया झिब्‍वय् छब्‍व नं हल।