गन्‍ती 14:41 - नेवाः बाइबल

⁴¹ तर मोशां धाल, “छिमिसं छाय् परमप्रभुया उजंयात मानय् मयानागु? छिमिसं यायेत्‍यंगु ज्‍या ताःलाइ मखु।

गन्‍ती 14:41 Referans Kwoze

२ इतिहास 24:20

अले परमप्रभुया आत्‍मा पुजाहारी यहोयादाया काय् जकरियायाके कुहां झाल। वं मनूतय् न्‍ह्यःने दनाः थथे धाल, “परमेश्‍वरं थथे धयादी, ‘छिमिसं छाय् परमप्रभुया आज्ञात पालन मयानागु? छिपिं ताःलाइ मखु। छिमिसं परमप्रभुयात त्‍वःतूगुलिं वय्‌कलं नं छिमित त्‍वःतादीगु दु।’”

यर्मिया 32:5

वं सिदकियाहयात बेबिलोनय् यंकी, जिं वयागु न्‍याय मयाःतले व अन हे च्‍वनी।’ परमप्रभुं धयादी, ‘छिपिं बेबिलोनीतनापं ल्‍वाःसां छिपिं ताःलाइ मखु।’”

यर्मिया 2:37

अनं नं लज्‍या चायाः छ छेनय् ल्‍हाः तयाः अथें लिहां वइ। छाय्‌धाःसा छं सुयात सुयात भलसा यात, इमित परमप्रभुं इन्‍कार यानादीगु दु। इपिंपाखें छन्‍त ग्‍वाहालि दइ मखु।

अय्‍यूब 4:9

इपिं परमेश्‍वरया सासलं नाश जुइ अले वय्‌कःया तमं भस्‍म जुयावनी।

गन्‍ती 14:25

अमालेकी व कनानीत बेँसी बेँसीइ च्‍वनाच्‍वंगुलिं छिपिं कन्‍हय् हे फहिला वनाः लाल समुद्रया लँपु जुयाः मरुभूमिपाखे हुँ।”

व्‍यवस्‍था 1:42

अय्‌नं परमप्रभुं जितः धयादिल, “इमित ‘थाहां वने मते अले ल्‍वाःवने मते’ धकाः धा, ‘छाय्‌धाःसा जि छिपिंनापं दइ मखु। छिमित छिमि शत्रुतय्‌सं बुकाबी।’”

१ शमूएल 15:19

तर छिसं छाय् परमप्रभुया आज्ञा पालन मयानागु? छिं छाय् लुतय् यानाहःगु सामान कयागु? अले छाय् छिं परमप्रभुया न्‍ह्यःने छु मभिंगु खः व हे यानागु?”