गन्‍ती 12:10 - नेवाः बाइबल

¹⁰ पालया च्‍वं सुपाँय् चिलावनेवं मिरियम कोह्रि जुयाः च्‍वापु थें तुइसे च्‍वन। हारूनं मिरियमपाखे स्‍वःबलय् व कोह्रि जुइ धुंकूगु खन।

गन्‍ती 12:10 Referans Kwoze

व्‍यवस्‍था 24:9

छिपिं मिश्रं वःबलय् लँय् परमप्रभु छिमि परमेश्‍वरं मिरियमयात छु यानादिल व लुमंकि।

२ राजा 5:27

आः नामानया छेंगूया पुनेयःगु ल्‍वय् न्‍ह्याबलें छ व छिमि सन्‍तानयाके दयाच्‍वनी।” थत्‍थें गेहजीयात ग्‍यानापुगु छेंगूया पुनेयःगु ल्‍वचं काल। गेहजी अनं वन, वयागु म्‍हया छेँगू च्‍वापु थें तुयुसे च्‍वन।

२ राजा 15:5

परमप्रभुं वयात छेंगूया पुनेयःगु ल्‍वचं कय्‌काः सजाँय बियादिल। व सी न्‍ह्यः तक नं छेंगूया पुनेयःगु ल्‍वय् जुयाच्‍वन। छेंगूया पुनेयःगु ल्‍वय् जूगुलिं व ब्‍यागलं मेगु हे छेँय् च्‍वन। दरबारया फुक्‍क जिम्‍मा वया काय् योतामयात बिल। वया काय् योतामं देशय् शासन यात।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

होशे 9:12

इमिसं मचा बुइकाः तःधिकः याःसां जिं व मचायात काये। हाय! गज्‍याःगु दुःख इमित, गुबलय् जि इपिंपाखें लिहां वये।

प्रस्‍थान 4:6

अले हाकनं परमप्रभुं धयादिल, “थःगु ल्‍हाः गाय् दुने दुछ्व।” वं थःगु ल्‍हाः गाय् दुने दुछ्वत। पिकाःबलय् वयागु ल्‍हाः कोह्रि ल्‍वचं कयाः च्‍वापु थें तुइसे च्‍वन।

गन्‍ती 5:2

“इस्राएलीतय्‌त छेंगूयागु पुनेयःगु ल्‍वय् दुपिं, धातुया ल्‍वय् दुपिं व सीम्‍ह थियाः अशुद्ध जूपिं दक्‍वसित छाउनीं पितिनाछ्व धकाः उजं ब्‍यु।

२ राजा 7:3

सामरियाया ध्‍वाखा पिने प्‍यम्‍ह छेंगूया पुनेयःगु ल्‍वय् दुपिं मनूत दु। इमिसं थवंथः धाल, “झीपिं थन मसीतले छाय् च्‍वनाच्‍वनेगु?