गन्‍ती 11:5 - नेवाः बाइबल

⁵ मिश्रय् जिमिसं न्‍याया ला धिबा पुले म्‍वाय्‌क नयागु लुमंनि। तुसि, खर्बुजा, छाः, प्‍याज, लाभा नयागु जिमि लुमं।

गन्‍ती 11:5 Referans Kwoze

प्रस्‍थान 16:3

इमिसं थथे धाल, “जिमित परमप्रभुं मिश्रय् हे स्‍यानादीगु जूसा ला ज्‍यूगु नि। मिश्रय् दुबलय् जिमिसं ला व मरि प्‍वाः जाय्‌क नये दु। जिपिं फुक्‍कसित नये मखंक स्‍यायेत छिकपिन्‍सं जिमित थ्‍व हे मरुभूमिइ छाय् हयादियागु?”

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

भजनसंग्रहया सफू 17:14

जीवनय् थःत यःगु फुक्‍क खँ धायेफु धकाः जुइपिं मनूतपाखें जितः बचय् यानादिसँ। इमिगु लागिं छिं मुंकातयादीगु दुःखं इमित सजाँय बियादिसँ। अज्‍याःगु सजाँय इमि सन्‍तान तकयात यक्‍व दयेमा, अले इमि छय्-छुइपिनिगु लागिं नं छुं ल्‍यनेमा।

गन्‍ती 14:2

सकलें इस्राएलीतय्‌सं मोशा व हारूनया विरोधय् कचकच यात। फुक्‍क खलकं इमित धाल, “जिपिं मिश्रय् वा थ्‍व मरुभूमिइ हे स्‍यूगु जूसा बांलाःगु।

यशैया 1:8

बांलाःगु यरूशलेम दाखक्‍यबया बल्‍चा थें, खर्बुजाया बुँया तःजाःगु बल्‍चा थें अले चाकःछिं घेरय् यानातःगु शहर थें खः।

यर्मिया 44:18

तर गुबलय् निसें जिमिसं स्‍वर्गयाम्‍ह रानी द्यःमय्‌जुयात धुपाँय् च्‍याकेगु व त्‍वँसाबलि छायेगु त्‍वःताः, उबलय् निसें जिमित फुक्‍क खँया मगाःमचाः जुया वयाच्‍वंगु दु, जिमि मनूत तरवार व अनिकालं सीगु दु।”

यर्मिया 42:14

तर जिपिं मिश्र देशय् हे च्‍वंवने, छाय्‌धाःसा अन जिमिसं लडाइँ स्‍वयेमाली मखु, तुरहीया सः न्‍यनेमाली मखु, मरि नये मखंकाः च्‍वनेमाली नं मखु’ धाल धाःसा,