गन्‍ती 11:22 - नेवाः बाइबल

²² थुपिं फुक्‍क फैच्‍वलय्‌या बथां व सा द्वहंया बथांयात स्‍याना नं थुलिमछिसित नकेत गाइ ला? वा समुद्रय् च्‍वंपिं फुक्‍क न्‍या लासां इमित नकेत गाइ ला?”

गन्‍ती 11:22 Referans Kwoze

मत्ती 15:33

चेलातय्‌सं धाल – “थुलिमछिसित नकेत झीसं थज्‍याःगु सुं मदुगु थासय् गन कयाः हयेगु?”

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

यूहन्‍ना 6:9

“थन छम्‍ह मिजंमचायाके तछ्वया न्‍यापा मरि व निम्‍ह न्‍या दु। थुलिमछि मनूतय्‌त थुलिचां छु यायेगु?”

लूका 1:34

अले मरियमं स्‍वर्गदूतयात थथे धाल – “थथे गुकथं जुइ फइ? जिगु ब्‍याहा ला मजूनि।”

लूका 1:18

अले जकरियां स्‍वर्गदूतयात थथे धाल – “थथे हे जुइ धकाः जिं गथे यानाः सीका कायेगु? जि ला छम्‍ह बुराम्‍ह मनू खः, अले जिम्‍ह कलाः नं तसकं बुरी जुइ धुंकल।”

मर्कूस 8:4

चेलातय्‌सं धाल – “थथे सुं मदुथाय् थुलिमछि मनूतय्‌त सुनां गथे यानाः नके फइ?”

मर्कूस 6:37

वय्‌कलं धयादिल – “छिमिसं हे इमित छुं नकि।” अले इमिसं धाल – “निसः दिनारया जक मरि न्‍यानाः इमित नकेगु ला।”

गन्‍ती 11:13

थुपिं फुक्‍कसिनं जितः ‘ला नकि’ धकाः कचकच याःवयाच्‍वन। थुपिं फुक्‍कसित जिं गन कयाः ला नकेगु?

गन्‍ती 11:21

अय्‌नं मोशां धाल, “जिनापं न्‍यासि जुइपिं थन खुगू लाख मिजंत दु। छिं धाःसा ‘इमित नयेत लच्‍छि तक ला बी’ धकाः धयादिल।

गन्‍ती 11:23

परमप्रभुं मोशायात लिसः बियादिल, “छु जिगु शक्ति कम जूगु दु ला? छं आः थत्‍थें हे जिं धयागु खँ जुइ कि मजुइ धकाः स्‍वये खनी।”