गन्‍ती 11:21 - नेवाः बाइबल

²¹ अय्‌नं मोशां धाल, “जिनापं न्‍यासि जुइपिं थन खुगू लाख मिजंत दु। छिं धाःसा ‘इमित नयेत लच्‍छि तक ला बी’ धकाः धयादिल।

गन्‍ती 11:21 Referans Kwoze

प्रस्‍थान 12:37

इस्राएलीत रामसेसंनिसें सुक्‍कोत तक न्‍यासि वन, मिस्‍त व मस्‍त त्‍वःताः खुगू लाख ति मनूत दु।

गन्‍ती 1:46

इमिगु मुक्‍क ल्‍याः ६,०३,५५० म्‍ह दु।

प्रस्‍थान 38:26

ल्‍याःखापिं निइदँ व वस्‍वयाः च्‍वय्‌यापिं मिजं मनूत ६,०३,५५० म्‍ह दु। छम्‍ह छम्‍ह मनूपाखें पवित्र पालया शेकेलया ल्‍याःकथं बच्‍छि शेकेल काल।

उत्‍पत्ति 12:2

“जिं छंगुपाखें तःधंगु जाति दय्‌के बी, जिं छन्‍त आशिष बी। जिं छन्‍त नांजाःम्‍ह मनू दय्‌के, अले छंगुपाखें मेपिन्‍त आशिष बीके।

गन्‍ती 2:32

इस्राएलीतय् थथःगु छेँजःकथं ल्‍याःखाःपिं थुपिं हे खः। थथःगु पुचःकथं छाउनी छाउनीइ ल्‍याःखाःपिं मुक्‍क ६,०३,५५० म्‍ह दु।

गन्‍ती 11:13

थुपिं फुक्‍कसिनं जितः ‘ला नकि’ धकाः कचकच याःवयाच्‍वन। थुपिं फुक्‍कसित जिं गन कयाः ला नकेगु?

गन्‍ती 11:20

अले छिमिगु न्‍हासं पिहां मवतले व छिपिं वाक्‍क मजुतले लच्‍छि यंकं नइ। छाय्‌धाःसा छिमिसं थःपिनि दथुइ दुम्‍ह परमप्रभुयात त्‍वःताः वय्‌कःया न्‍ह्यःने “जिपिं मिश्र त्‍वःताः मवःसां ज्‍यूगु” धकाः ख्‍वयाजुल।’”

गन्‍ती 11:22

थुपिं फुक्‍क फैच्‍वलय्‌या बथां व सा द्वहंया बथांयात स्‍याना नं थुलिमछिसित नकेत गाइ ला? वा समुद्रय् च्‍वंपिं फुक्‍क न्‍या लासां इमित नकेत गाइ ला?”

गन्‍ती 26:51

इस्राएलया मुक्‍क ल्‍याःखाःपिं मिजं मनूत ६,०१,७३० म्‍ह दु।