गन्‍ती 10:29 - नेवाः बाइबल

²⁹ अले मोशां थः ससःबौ मिद्यानी रूएलया काय् होबाबयात धाल, “परमप्रभुं जिमित बी धकाः धयादीगु थासय् जिपिं वनेत्‍यनागु दु। छि नं जिपिंनापं झासँ, जिमिसं छितः भिं हे याये छाय्‌धाःसा परमप्रभुं इस्राएलया बारे भिंगु बाचा यानादीगु दु।”

गन्‍ती 10:29 Referans Kwoze

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

न्‍यायकर्ता 4:11

उबलय् हेबेर धाःम्‍ह छम्‍ह केनी केदेशयागु सानन्‍नीमय् तःमागु छमा सिमाया लिक्‍क थःगु पाल ग्‍वयाः च्‍वनाच्‍वंगु खः। केनीत मोशाया ससःबौ होबाबया सन्‍तान खः। हेबेर मेपिं केनीतय्‌त त्‍वःताः अन च्‍वनाच्‍वंगु खः।

प्रस्‍थान 3:1

मोशा थः ससःबौ मिद्यानया पुजाहारी यित्रोया फैच्‍वलय् ज्‍वयाच्‍वंगु जुल। अले मरुभूमिइ फैच्‍वलय् ज्‍वज्‍वं परमेश्‍वरया पर्वत होरेबय् थ्‍यंक हे यंकल।

प्रस्‍थान 2:18

इपिं थः बौ रूएलयाथाय् लिहां वःबलय् इमि बौनं इमित न्‍यन, “थौं छिपिं छाय् याकनं लिहां वयागु?”

उत्‍पत्ति 32:12

छिं जितः धयादीगु दु, ‘जिं छन्‍त धात्‍थें हे भिंगु याये। अले छं सन्‍तान समुद्रया फि थें ल्‍याः खाये मफय्‌क यक्‍व दय्‌काबी।’”

प्रकाश 22:17

आत्‍मा व भम्‍चां धयादी – “झासँ।” अथे हे न्‍यनीपिन्‍सं नं “झासँ” धकाः धा। प्‍याचाःपिन्‍सं व इच्‍छादुपिन्‍सं वयाः जीवनयागु लः सितिकं त्‍वँ।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

तीतस 1:2

गुबलें मखुगु खँ ल्‍हाना मदीम्‍ह परमेश्‍वरं न्‍हापांनिसें हे झीत अनन्‍त जीवन बियादी धकाः धयादीगु खः।

प्रेरित 7:5

“परमेश्‍वरं वयात पलाः तयेत तकं थाय्‌ बियामदी। अय्‌नं मचाखाचा हे मदुनिबलय् परमेश्‍वरं थ्‍व देश व अले वया सन्‍तानयात बी धकाः पाफयादिल।

यर्मिया 50:5

“इमिसं सियोनपाखे वनीगु लँ गुगु खः धकाः न्‍यनी अले थःगु ख्‍वाः उखेपाखे स्‍वय्‌की। इपिं वयाः थःत हे परमप्रभुयाथाय् गुबलें ल्‍वःममंकीगु सदांया बाचाय् ची।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

भजनसंग्रहया सफू 34:8

परमेश्‍वर गुलि भिं धकाः थःम्‍हं हे सीकि, धन्‍यम्‍ह खः व, सुनां वय्‌कःयाके शरण काइ।

१ शमूएल 15:6

शाऊलं केनीतय्‌त धाल, “छिपिं अमालेकीतय् थासं त्‍वःता हुँ, मखुसा छिपिं नं इपिं नापंतुं नाश जुइ, छाय्‌धाःसा इस्राएलीत मिश्र देशं पिहां वःबलय् छिमिसं दयामाया याःगु खः।” अथे जुयाः केनीतय्‌सं अमालेकीतय्‌त त्‍वःतावन।

न्‍यायकर्ता 1:16

मोशाया ससःबौया सन्‍तान, केनीत यहूदायापिं मनूतलिसें ताय्‌गः सिमातय्‌गु शहरं आरादया दच्‍छिनय् लाःगु यहूदाया मरुभूमिइ वन, इपिं अन च्‍वंपिं मनूतनापं च्‍वन।

गन्‍ती 23:19

परमेश्‍वर मनू थें मखु, मखुगु खँ ल्‍हायेत, वय्‌कः मनू मखु, थःगु मन हिलेत। वय्‌कलं धयादीगु खँ गुबलें मजूगु दु ला? वय्‌कलं बचं बियाः छु व पूवंकामदी ला?

प्रस्‍थान 18:27

अले मोशां थः ससःबौयात बिदा बिल। यित्रो थःगु देशय् लिहां वन।

प्रस्‍थान 18:1

परमेश्‍वरं मोशा व थः प्रजा इस्राएलया निंतिं छु छु यानादिल, गय्‌ यानाः परमप्रभुं इस्राएलीतय्‌त मिश्रं पित हयादिल धइगु खँ मिद्यान देशयाम्‍ह पुजाहारी, मोशाया ससःबौ यित्रों न्‍यन।

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

उत्‍पत्ति 13:15

जिं छन्‍त व छिमि सन्‍तानयात छं खँक्‍व जग्‍गा बी। थ्‍व सदां छंगु हे जुइ।

प्रस्‍थान 6:4

इपिं कनान देशय् परदेशी जुयाः च्‍वनाच्‍वंबलय् जिं इपिं नाप व हे कनान देश इमित बी धकाः बाचा चिनागु दु।

प्रस्‍थान 18:12

अले यित्रों परमेश्‍वरया निंतिं होमबलि व मे मेगु बलि छाल। अले हारून व इस्राएलयापिं फुक्‍क थकालित मोशाया ससःबौ यित्रो नापं परमेश्‍वरया न्‍ह्यःने भ्‍वय् नयेत वल।

गन्‍ती 10:28

थुकथं थथःगु पुचःकथं इस्राएलीत न्‍ह्यज्‍यां वनीगु खः।

व्‍यवस्‍था 4:40

थौं जिं छिमित बीत्‍यनागु वय्‌कःया विधि व आज्ञा मानय् या, गुकिं यानाः छिमिगु व छिमि सन्‍तानतय्‌गु भिं जुइमा, अले परमप्रभु छिमि परमेश्‍वरं छिमित न्‍ह्याबलेंया निंतिं बियादीगु देशय् छिपिं ताःई तक म्‍वानाच्‍वनेमा।

व्‍यवस्‍था 30:5

वय्‌कलं छिमित छिमि पुर्खातय्‌गु देशय् हयादी। अले छिमिसं व देशयात अधिकार याइ। वय्‌कलं छिमिगु भिं यानादी अले छिमि पुर्खातय्‌गु ल्‍याः स्‍वयाः छिमिगु ल्‍याः अप्‍वः यानादी।

भजनसंग्रहया सफू 95:1

वा, परमप्रभुया निंतिं लय्‌तातां म्‍ये हालेनु, झी उद्धारया ल्‍वहंधीयात जयजय यायेनु।

भजनसंग्रहया सफू 100:1

हे पृथ्‍वीयापिं सकल मनूत, परमप्रभुया जयजय या।

उत्‍पत्ति 17:8

जिं छन्‍त व इमित छ आः च्‍वंवयाच्‍वंगु कनानया फुक्‍क बँ सदां सदांया लागि बी। अले जि इमि परमेश्‍वर जुइ।”

प्रस्‍थान 2:21

मोशा व मनूनापं च्‍वनेत मानय् जुल। वं थः म्‍ह्याय् सिप्‍पोरायात मोशानापं ब्‍याहा यानाबिल।