गन्‍ती 1:18 - नेवाः बाइबल

¹⁸ अले निगूगु लाया न्‍हापांगु दिंखुन्‍हु फुक्‍क खलःयात मुंकाः इमिगु वंश व छेँजःकथं निइदँ व वस्‍वयां च्‍वय्‌यापिं मिजंतय्‌गु नां धलः दय्‌कल,

गन्‍ती 1:18 Referans Kwoze

एज्रा 2:59

बेबिलोनया तेल-मेलह, तेल-हर्शा, केरूब, आदोन व इम्‍मेर शहरं लिहां वयाः थःगु परिवार इस्राएलया वंशपाखें वःगु खः धकाः दसि बी मफुपिं थुपिं खः -

हिब्रू 7:3

वया मांबौ व तापाःबाज्‍यापिनिगु खँ गनं हे च्‍वयातःगु मदु। अले व सीगु व बूगु खँ नं गनं च्‍वयातःगु मदु। व परमेश्‍वरया काय् थें सदांयात पुजाहारी जुयाच्‍वनी।

नहेम्‍याह 7:61

थुपिं मनूत तेल-मेलह, तेल-हर्शा, केरूब, आदोन व इम्‍मेरं यरूशलेमय् वःगु खः। अय्‌नं इमिसं इमि परिवार इस्राएलीत खः धकाः दसि बी मफुत।

हिब्रू 7:6

मल्‍कीसेदेकं लेवीया सन्‍तान मखुसां अब्राहामयाके झिब्‍वय् छब्‍व सम्‍पत्ति काल। अले हानं परमेश्‍वरं बाचा चिनादीम्‍हय्‌सित हे आशिष बिल।

गन्‍ती 1:1

इस्राएलीत मिश्र देशं पिहां वंगु निगूगु दँया निगूगु लाया न्‍हापांगु दिंखुन्‍हु सीनैया मरुभूमिइ पवित्र पालय् परमप्रभुं मोशायात धयादिल,

गन्‍ती 1:17

च्‍वय् नां च्‍वयातःपिं मनूतय्‌त मोशा व हारूनं काल,

प्रस्‍थान 6:14

इस्राएलीतय् पुर्खा थुपिं हे खः – इस्राएलया दकलय् न्‍हापां बूम्‍ह काय् रूबेनया काय्‌पिं हनोक, पल्‍लु, हेस्रोन व कर्मी खः। थुपिं रूबेनया सन्‍तान खः।