गन्‍ती 1:1 - नेवाः बाइबल

¹ इस्राएलीत मिश्र देशं पिहां वंगु निगूगु दँया निगूगु लाया न्‍हापांगु दिंखुन्‍हु सीनैया मरुभूमिइ पवित्र पालय् परमप्रभुं मोशायात धयादिल,

गन्‍ती 1:1 Referans Kwoze

प्रस्‍थान 25:22

अन जिं छनापं नाप लाये। प्रायश्‍चितया कृपा-आसन च्‍वय् निम्‍ह करूबतय्‌गु दथुं इस्राएलीतय्‌गु निंतिं फुक्‍कं उजं जिं छन्‍त बी।

प्रस्‍थान 19:1

मिश्र त्‍वःतूगु स्‍वला क्‍यंबलय् इस्राएलीत सीनै मरुभूमिइ थ्‍यंकवल।

गन्‍ती 9:1

इस्राएलीत मिश्रं पिहां वःगु निगूगु दँया न्‍हापांगु लाय् सीनैया मरुभूमिइ परमप्रभुं मोशालिसे थथे धकाः न्‍ववानादिल,

लेवी 27:34

परमप्रभुं इस्राएलीतय्‌गु निंतिं सीनै पर्वतय् मोशायात बियादीगु आज्ञा थुपिं हे खः।

लेवी 1:1

परमप्रभुं मोशायात पवित्र पालया दुनें सःताः धयादिल,

प्रस्‍थान 40:17

इस्राएलीतय्‌सं मिश्र देश त्‍वःतूगु दच्‍छि लिपा निगूगु दँया न्‍हापांगु लाया न्‍हापांगु दिंखुन्‍हु पवित्र पाल धस्‍वाकल।

प्रस्‍थान 40:2

“न्‍हापांगु लाया न्‍हापांगु दिंखुन्‍हु पवित्र पाल ग्‍वः।

१ राजा 6:1

इस्राएलीत मिश्र देशं पिहां वःगु प्‍यसः व चयदँ (४८०) लिपा, सोलोमनं इस्राएलय् राज्‍य यानाच्‍वंगु प्‍यंगूगु दँया जीभ धाःगु निगूगु लाय् वं परमप्रभुया देगः दय्‌केगु ज्‍या शुरु यात।

गन्‍ती 1:18

अले निगूगु लाया न्‍हापांगु दिंखुन्‍हु फुक्‍क खलःयात मुंकाः इमिगु वंश व छेँजःकथं निइदँ व वस्‍वयां च्‍वय्‌यापिं मिजंतय्‌गु नां धलः दय्‌कल,

प्रस्‍थान 19:2

रपीदीमं वयाः इपिं सीनैयागु मरुभूमिइ थ्‍यंकः वल। अले इपिं पर्वतया क्‍वय् हे पाल ग्‍वयाः बाय् च्‍वन।

गन्‍ती 12:4

परमप्रभुं थत्‍थें मोशा, हारून व मिरियमयात धयादिल, “छिपिं स्‍वम्‍हं नापलायेगु पालया न्‍ह्यःने वा!” इपिं स्‍वम्‍हं अन वन।

व्‍यवस्‍था 1:3

इमिसं मिश्र त्‍वःतूगु पिइगूगु दँया झिंछगूगु लाया न्‍हापांगु दिनय् मोशां परमप्रभुं इस्राएलीतय्‌त धा धकाः धयादीगु फुक्‍क आज्ञा इमित धाल।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

व्‍यवस्‍था 2:14

कादेश-बर्ने त्‍वःता वयाः जेरेद खुसि छिनाबलय् तक झीत स्‍विच्‍यादँ बित। थ्‍व इलय् परमप्रभुं पाफयादीगु थें झीगु छाउनीं व पुस्‍तायापिं सकलें लडाइँ याइपिं मनूत नाश जुल।