मीका 1:4 - नेवाः बाइबल

⁴ वय्‌कःया क्‍वय् पहाडत नायावनी, अले ब्‍यासित निब्‍व जुइ। पहाडत मिइ मैन नायावं थें नायावनी, भीरं लः क्‍वहां वः थें ल्‍वहंत सुल्‍ल क्‍वहां वनी।

मीका 1:4 Referans Kwoze

नहूम 1:5

वय्‌कःया न्‍ह्यःने पहाडत थुरथुर खाइ, अले डाँडात नायावनी। वय्‌कःया न्‍ह्यःने पृथ्‍वी थुरथुर खाइ, संसार व अन दुपिं फुक्‍क मनूत थुरथुर खाइ।

भजनसंग्रहया सफू 97:5

परमप्रभुया न्‍ह्यःने, फुक्‍क पृथ्‍वीयाम्‍ह प्रभुया न्‍ह्यःने पहाडत मैन थें नायावनी।

हबकूक 3:10

पहाडत छितः खनाः थुरथुर खात। आकाशं वा वया हे च्‍वन। ततःजाःगु समुद्र थ्‍वय्‌क हाल अले लःग्‍वारा सन।

हबकूक 3:6

वय्‌कः जुइगु दिनाः पृथ्‍वीयात संकादिल। वय्‌कलं स्‍वयादिल, अले जात जातित थुरथुर खात। न्‍हापांनिसें दुगु पहाड पर्वतत कुचा कुचा जुल, उपिं पुलांगु डाँडात क्‍वदल। वय्‌कः सदां झाया हे च्‍वनादी।

आमोस 9:5

दक्‍व शक्ति दुम्‍ह परमप्रभु परमेश्‍वर वय्‌कः हे खः, गुम्‍हं पृथ्‍वीयात थीबलय् व नायावनी, उकी च्‍वंपिं दक्‍वसिनं दुखं च्‍वनी। पृथ्‍वी खुसिबाःया इलय् नील खुसि थें थाहां वइ अले मिश्र देशया खुसि थें क्‍वहां वनी।

न्‍यायकर्ता 5:4

“हे परमप्रभु, छि सेइरं पिहां झाःबलय्, छि एदोम देशं पिहां झाःबलय्, पृथ्‍वी थुरथुर खात, अले आकाशं फुति फुति वा वल, खः, सुपाचं वा वल।

प्रकाश 20:11

अनं लिपा जिं तःधंगु तुयुगु सिंहासन व उकी फ्‍यतुना च्‍वंम्‍हय्‌सित खना। वय्‌कःयात खनाः आकाश व पृथ्‍वी मदयावन। अले इमित च्‍वनेत गनं हे थाय् मन्‍त।

जकरिया 14:4

उखुन्‍हु हे वय्‌कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्‍छिम तक दथु दथुं चिरिबायाः तःधंगु गाः जुइ। बच्‍छि डाँडा उत्तरपाखे व बच्‍छि डाँडा दच्‍छिनपाखे चिलावनी।

भजनसंग्रहया सफू 68:2

फसं कुँयात ब्‍वय्‌कू थें वय्‌कलं इमित ब्‍वय्‌कादीमा, मिइ मैन नायावं थें परमेश्‍वरया न्‍ह्यःने दुष्‍टत नाश जुयावनेमा।

भजनसंग्रहया सफू 46:6

जाति जातियापिं मनूतय् दथुइ तसकं हल्‍लाखल्‍ला जुल, राज्‍य-राज्‍य लिगिलिगि सनाः क्‍वःदल वय्‌कलं थःगु सः पिकयादिल, पृथ्‍वी नायावन।