मीका 1:3 - नेवाः बाइबल

³ स्‍वः! परमप्रभु वय्‌कः च्‍वनादीगु थासं झायाच्‍वंगु दु, वय्‌कः क्‍वहां झायाः पृथ्‍वीयागु दकलय् तज्‍जाःगु थासय् न्‍यासि जुयादी।

मीका 1:3 Referans Kwoze

आमोस 4:13

पर्वतत दय्‌कादीम्‍ह व फय्‌यात सृष्‍टि यानादीम्‍ह परमेश्‍वर हे खः। वय्‌कलं मनूतय्‌त थःगु बिचाः सीकेबी। वय्‌कलं न्‍हियात चा यानादी, अले पृथ्‍वीया ततःजाःगु थासय् न्‍यासि झायादी। दक्‍व शक्ति दुम्‍ह परमप्रभु परमेश्‍वर वय्‌कःया हे नां खः।

यशैया 26:21

परमप्रभु थः स्‍वर्गलोकं पृथ्‍वीइ च्‍वंपिं मनूतय्‌त इमिगु पापया निंतिं सजाँय बियादीत झायादीत्‍यंगु दु। पृथ्‍वीं थःके प्‍वंकूगु हि क्‍यनी, अले हत्‍या यानातःपिन्‍त सुचुका तइ मखु।

व्‍यवस्‍था 32:13

वय्‌कलं इमित च्‍वकाय् थ्‍यंक लाःगु थासय् यंकाः तयादिल अले बुँइ सःगु नकादिल। वय्‌कलं इमित ल्‍वहँतं कस्‍ति नकादिल, अले ल्‍वहंयागु कापिं चिकं बियादिल।

हबकूक 3:19

परमप्रभु परमेश्‍वर जिगु बल खः, वय्‌कलं जिगु तुति चल्‍लाया तुति थें यानादी, वय्‌कलं जितः तः तःजाःगु थासय् वने बहःम्‍ह यानादी। लय् तइम्‍हसिया निंतिं – जिगु तार बाजाय् थाइगु लय्।

भजनसंग्रहया सफू 115:3

जिमि परमेश्‍वर ला स्‍वर्गय् दी, वय्‌कःयात छु यः व हे यानादी।

इजकिएल 3:12

अले आत्‍मां जितः च्‍वय् थकयादिल। जिं थःगु ल्‍युने छगू घुनुनुनु मिंगु सः ताल, “स्‍वर्गय् परमप्रभु परमेश्‍वरया महिमा प्रशंसा जुइमा!”

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

अय्‍यूब 40:12

फुक्‍क घमण्‍डी मनूयात स्‍वयाः इमित क्‍वय् क्‍वका। इपिं दनाच्‍वंगु थासय् हे दुष्‍ट मनूतय्‌त काच्‍याक कुचुक यानाब्‍यु!

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”

जकरिया 14:4

उखुन्‍हु हे वय्‌कः यरूशलेमयागु पुर्बपाखे जैतून डाँडाय् दनादी। अबलय् जैतून डाँडा पुर्बंनिसें पच्‍छिम तक दथु दथुं चिरिबायाः तःधंगु गाः जुइ। बच्‍छि डाँडा उत्तरपाखे व बच्‍छि डाँडा दच्‍छिनपाखे चिलावनी।

आमोस 9:5

दक्‍व शक्ति दुम्‍ह परमप्रभु परमेश्‍वर वय्‌कः हे खः, गुम्‍हं पृथ्‍वीयात थीबलय् व नायावनी, उकी च्‍वंपिं दक्‍वसिनं दुखं च्‍वनी। पृथ्‍वी खुसिबाःया इलय् नील खुसि थें थाहां वइ अले मिश्र देशया खुसि थें क्‍वहां वनी।