मीका 1:10 - नेवाः बाइबल

¹⁰ थ्‍व खँ छिमिसं गातय् वनाः कने मते अले ख्‍वये मते। बेथ-ओप्राया धुलय् ग्‍वारा ग्‍वारा तु।

मीका 1:10 Referans Kwoze

२ शमूएल 1:20

“गातय् थ्‍व खँ न्‍यंके मते, अश्‍कलोनया लँय् लँय् थ्‍व खँ बय्‌बय् याना जुइ मते, मखुसा पलिश्‍तीतय् म्‍ह्याय्‌पिं खुशी जुइ, अले खतना मजूनिपिनि म्‍ह्याय्‌पिं लय्‌लय्‌ताइ।”

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

आमोस 6:10

सीम्‍ह मनूया सीम्‍हयात थुनेत जिम्‍मा कयातःम्‍ह थःलाःम्‍ह मनुखं सीम्‍हयात छेँनं पिकायेमा। उम्‍ह थःलाःम्‍ह मनुखं छेँय् ल्‍यंदनिपिं मनूतय्‌त थथे न्‍यनेमा, “छनापं सुं दनि ला?” वं दुनेनं लिसः बी, “मदु”, अले वं धाइ, “सुम्‍क च्‍वँ, झीसं परमप्रभुया नां हे काये मज्‍यू।”

आमोस 5:13

अथे जुयाः बुद्धि दुम्‍ह मनू थज्‍याःगु इलय् सुम्‍क च्‍वनी, छाय्‌धाःसा ई तसकं मभिं।

विलाप 3:29

वं थःगु ख्‍वाः बँय् तक क्‍वछुकेमा, उकी भचा आशा दये फु।

अय्‍यूब 2:8

चासुवय्‌त छकू चायागु तज्‍याःगु थलया कुचा कयाः अय्‍यूब नउलय् च्‍वन।

यहोशू 18:23

अब्‍बीम, पारा, ओप्रा,