लूका 8:3 - नेवाः बाइबल

³ अले हेरोदया छम्‍ह कजी खूजासया कलाः योअन्‍ना, सुसन्‍ना व मेपिं यक्‍व मिसात नं वय्‌कः नाप जूगु दु। थ्‍व मिसातय्‌सं वय्‌कःयात माक्‍व धिबा बियाः ग्‍वाहालि याः।

लूका 8:3 Referans Kwoze

१ तिमोथी 5:10

बांलाःगु ज्‍या यानाः नांजाःम्‍ह, मस्‍तय्‌त ब्‍वलंकूम्‍ह, पाहांतय्‌त दुनुगलंनिसें दुकाइम्‍ह, परमेश्‍वरया मनूतय्‌त तुति सिलाः सेवा याइम्‍ह, हाःनाः मदुपिन्‍त ग्‍वाहालि याइम्‍ह व भिंगु ज्‍याय् जक मन तयाः जुइम्‍ह जूसा वयात भाःत मदय्‌ धुंकूपिं मिसातय्‌गु नांया धलखय् दुथ्‍याकूसां ज्‍यू।

फिलिप्‍पी 4:22

थनच्‍वंपिं फुक्‍क विश्‍वासीतय्‌सं नं छिमित ज्‍वजलपा धयाहःगु दु। खास यानाः कैसरया जहानपिनिपाखें ज्‍वजलपा धयाहःगु दु।

२ कोरिन्‍थी 8:9

झी प्रभु येशू ख्रीष्‍ट गुलि ग्‍वाहालि यानादीम्‍ह प्रभु खः धकाः ला छिमिसं सि हे स्‍यू। वय्‌कः तःमि जुयाः नं छिमिगु निंतिं चीमि जुयादिल। थः चीमि जुयाः छिमित तःमि यायेत वय्‌कलं थथे यानादिल।

मत्ती 26:11

नये मखंपिं ला छिपिंनाप न्‍ह्याबलें दयाच्‍वनी। जि न्‍ह्याबलें दइ मखु।

मत्ती 25:40

“अले जुजुं इमित थथे लिसः बी – ‘जिं छिमित खःगु खँ धाये – दक्‍वसिबय् चीधिकःम्‍ह किजायात छिमिसं छु याइ, व जितः हे याःगु जुइ।’

मत्ती 2:11

अन थ्‍यंकाः इपिं छेँय् दुहां वनाः मचायात वया मां मरियमनापं खन। अले इमिसं क्‍वछुनाः वय्‌कःयात भागि यात। अले थथःगु कन्‍तुर चाय्‌काः लुँ, नस्‍वाःगु गुँगू व मूर्र लिकयाः छाल।

यशैया 23:18

अय्‌नं वयागु लबः व वं कमय् याःगु परमप्रभुया निंतिं अलग तइ। वं कमय् याःगु धन मुंकेगु याइ मखु। वयागु ब्‍यापारं वःगु लबः परमप्रभुया मनूतय्‌गु निंतिं माक्‍वः नयेगु नसा व पुनेत बांबांलाःगु वसःया निंतिं जुइ।

१ इतिहास 29:14

थुपिं फुक्‍क सामान जिगु व जिमि मनूतपाखें वःगु मखु। थुपिं फुक्‍क सामान छिं बियादीगु देछा खः। थुपिं सामान छिगु हे खः। जिमिसं ला लित बियागु जक खः।

लूका 24:10

थ्‍व खँ प्रेरिततय्‌त धाः वःपिं मरियम मग्‍दलिनी, योअन्‍ना व याकूबया मां मरियम व इपिं नाप वंपिं मेपिं मिसात खः।

प्रेरित 13:1

एन्‍टिओखियाय् च्‍वंगु मण्‍डलीइ अगमवक्ता व गुरुत नं दु। थुपिं बारनाबास, हाकु धाःम्‍ह शिमियोन, कुरेनीं वःम्‍ह लुकियस, दरबारय् हेरोद जुजु नाप ब्‍वलंम्‍ह मनेन व शाऊल खः।

मत्ती 14:1

थुबलय् हे गालीलया जुजु हेरोदं येशूयागु खँ न्‍यनाः

मत्ती 14:3

न्‍हापा हेरोदं थःकिजा फिलिपया कलाः हेरोदियासं यानाः बप्‍तिस्‍मा बीम्‍ह यूहन्‍नायात ज्‍वनाः झ्‍यालखानाय् कुंगु खः।

मत्ती 14:6

हेरोदयागु बुदिंया लसताय् हेरोदियासया म्‍ह्याय्‌नं सकसिया न्‍ह्यःने तसकं बांलाक प्‍याखं ल्‍हुयाक्‍यंगुलिं हेरोद तसकं लय्‌ताल।

मत्ती 20:8

“बहनी जुइकाः दाखक्‍यबया थुवालं ज्‍यामि नायःयात धाल – ‘ज्‍यामितय्‌त सःताः दकलय् लिपा वःपिंनिसें छसिकथं ज्‍याला ब्‍यु।’

मत्ती 27:55

गालीलंनिसें येशूयात ग्‍वाहालि यानाः वय्‌कः नाप वःपिं मिसातय्‌सं नं तापाक्‍क च्‍वनाः थ्‍व फुक्‍क स्‍वयाच्‍वन।

यूहन्‍ना 12:6

वं थथे धाःगु नये मखंपिन्‍त माया याना मखु, बरु खुँ जूगुलिं खः। धिबाया म्‍हिचा ज्‍वनाजुइम्‍ह जुइगुलिं वं म्‍हिचाय् च्‍वंगु धिबा कायेगु नं याः।