लूका 13:2 - नेवाः बाइबल

² वय्‌कलं इमित लिसः बियादिल – “थुपिं मेपिं गालीलीत स्‍वयाः तसकं पापी जूगुलिं अथे यानाः स्‍याःगु धकाः मतिइ तया ला कि छु छिकपिन्‍सं?

लूका 13:2 Referans Kwoze

यूहन्‍ना 9:2

चेलातय्‌सं वय्‌कःयाके न्‍यन – “गुरुजु, थ्‍व मनू बूसांनिसें कां जूगु वयागु पापं यानाः ला कि वया मांबौपिनिगु पापं यानाः?”

प्रेरित 28:4

वयागु ल्‍हातय् सर्प यग्‍गागु खनाः अन च्‍वंपिं मनूत थःथवय् थथे खँ ल्‍हात – “थ्‍व मनू ला धात्‍थें हे ज्‍यानमारा जुइमाः। समुद्रं बचय् जुया वःसां न्‍याय याइम्‍हय्‌सिनं थ्‍वयात म्‍वाके मबिल।”

लूका 13:4

सिलोआमय् च्‍वंगु धरहरा क्‍वःदलाः ल्‍हानाः सीपिं झिंच्‍याम्‍ह मनूत यरूशलेमय् च्‍वंपिं मनूत स्‍वयाः पापीत धकाः मतिइ तया ला कि छु छिकपिन्‍सं?

लूका 13:1

अबलय् हे छथ्‍वः मनूतय्‌सं वयाः येशूयात थथे धाल – “परमेश्‍वरयात बलि बियाच्‍वंबलय् पिलातसं गालीलीतय्‌त स्‍याकल। अले इमिगु हि व बांयागु हि नाप ल्‍वाकछ्याना बिल।”

लूका 13:3

जिं छिकपिन्‍त धाये – अथे मखु, छिकपिन्‍सं पश्‍चाताप मयाःसा छिकपिं नं इपिं थें सी माली।