लेवी 8:9 - नेवाः बाइबल

⁹ अले वयागु छेनय् फेटा चिनाः फेटाया च्‍वय् न्‍ह्यःने पवित्र चिं लुँपाता तयाः परमप्रभुं मोशायात उजं बियादीगु थें मोशां यानाबिल।

लेवी 8:9 Referans Kwoze

जकरिया 3:5

अले जिं धया, “थ्‍वया छेनय् छगू यचुगु बेतालि नं पुइकि।” परमप्रभुया स्‍वर्गदूतं स्‍वयाच्‍वंबलय् इमिसं वया छेनय् छगू यचुगु बेतालि पुइकाबिल अले वयागु म्‍हय् दकलय् तःधंम्‍ह पुजाहारीया वसः फीकाबिल।

प्रस्‍थान 29:6

अले वयागु छेनय् बेतालि चिनाः बेतालिया न्‍ह्यःने लुँ बाला तयाब्‍यु।

प्रस्‍थान 28:4

इमिसं सुइमाःगु वसः थथे दु– छातिपाता, एपोद, पुजाहारीया लं, जामालं, बेतालि व जँनी। इमिसं छिमि दाजु हारून व वया काय्‌पिन्‍सं पुजाहारीया ज्‍या यायेगु निंतिं थुकथं पवित्र वसःत दय्‌केमाः।

प्रस्‍थान 40:16

मोशां फुक्‍क ज्‍या परमप्रभुं वयात उजं बियादीगुकथं हे यात।

लेवी 8:21

परमप्रभुं मोशायात उजं बियादी थें वं आतापुति-भ्‍वरी व तुति लखं सिल, अले व परमप्रभुया निंतिं विशेष देछा, नस्‍वाः वःगु होमबलिकथं वं भ्‍याःचाया फुक्‍क म्‍ह वेदीइ छ्वय्‌कल।

लेवी 8:36

अले परमप्रभुं मोशापाखें ब्‍यूगु फुक्‍क उजं हारून व वया काय्‌पिन्‍सं पालन यात।