लेवी 5:2 - नेवाः बाइबल

² “‘सुनानं मसीकं जंगली पशुया सीम्‍ह, लहीपिं पशुया सीम्‍ह, घिसय्‌ जुया जुइपिं पशुया सीम्‍ह, थज्‍याःगु अशुद्ध वस्‍तु थियाः लिपा वाःचाल धाःसा व अशुद्ध जुइ, अले वं पाप मानय् यायेमाः।

लेवी 5:2 Referans Kwoze

लेवी 5:17

“सुनानं मसीकं परमप्रभुं याये मते धाःगु खँ यानाः पापयात धाःसा व दोषी थहरय् जुइ। अले उकिया सजाँय वं फयेमाली।

व्‍यवस्‍था 14:8

फा नं अशुद्ध खः, छाय्‌धाःसा वयागु तुतिख्‍वः ला बाः अय्‌सां वं लिन्‍ह्ययाः मनः। छिमिसं इमिगु ला नये मते, इमिगु सीम्‍ह नं थी मते।

हाग्‍गै 2:13

अले हाग्‍गैनं न्‍यन, “सीम्‍ह थियाः अशुद्ध जूम्‍ह मनुखं थ्‍व नसात्‍वँसा थिल धाःसा अशुद्ध जुइ ला?” पुजाहारीतय्‌सं लिसः बिल, “जुइ, व अशुद्ध जुइ।”

लेवी 11:11

थज्‍याःपिं जन्‍तुत घच्‍चाइपुपिं जूगुलिं छिमिसं थुमिगु ला नये मज्‍यू, अज्‍ज ला थुमिगु सीम्‍ह तक नं थीमज्‍यू।

२ कोरिन्‍थी 6:17

अले हानं प्रभुं थथे धयादीगु दु – “छिपिं इमिगु पुचलं पिहां वा, अले छखे च्‍वँ। अशुद्ध खँ थी मते। अले जिं छिमित थः मनू याये।

लूका 11:44

फरिसीत, छिमित धिक्‍कार दु, छाय्‌धाःसा छिपिं खने मदुगु सी थुनिगु गाः थें च्‍वं। थुकी न्‍हुया वनाः मनूतय्‌सं थ्‍व सी थुनिगु गाः धकाः सी मखु।”

यशैया 52:11

हुँ, थनं हुँ, कैदं पिहां हुँ, छुं नं अशुद्धगु थलबल थी मते! हे परमप्रभुया थल ज्‍वनीपिं, अनं पिहां वा, अले थःत शुद्ध या!

भजनसंग्रहया सफू 19:12

वाःमचायेक जूगु पापयात सुनां खनी? हे परमप्रभु! थथे वाःमचायेक जूगु पापपाखें जितः क्षमा यानादिसँ!

लेवी 7:21

सुनानं मनूया अशुद्ध, पशुया अशुद्ध वा मेगु छुं घचाइपुगु वस्‍तु थियाः परमप्रभुया मेलबलिया ला नल धाःसा वयात वया मनूतय् दथुं पितिना छ्वयेमाः।’”

लेवी 5:4

“‘सुनानं मसीकं भिंगु वा मभिंगु न्‍ह्यागु खँय् जूसां बिचाः मयासें पाफयाः लिपा वाःचाल धाःसा व दोषी थहरय् जुइ।

लेवी 4:13

“‘इस्राएलया फुक्‍क मनूतय्‌सं परमप्रभुं याये मते धयादीगु ज्‍याखँ मसीकं यात धाःसा इमिसं थथे यायेमाः –

लेवी 5:3

“‘सुनानं मसीकं मनूया म्‍हया छुं अशुद्धगु ब्‍व थियाः लिपा वाःचाल धाःसा व दोषी थहरय् जुइ।

लेवी 11:8

थुपिं पशुतय्‌गु ला छिमिसं नये मज्‍यू, अज्‍ज ला थुमिगु सीम्‍ह तक नं थीमज्‍यू। थुपिं अशुद्धपिं खः।

गन्‍ती 19:22

अशुद्धम्‍ह मनुखं न्‍ह्यागु हे थ्‍यूसां व अशुद्ध जुइ। अले व थ्‍यूगु खँ मेम्‍हय्‌सिनं थिल धाःसा व नं सन्‍ध्‍याकाः इलय् तक अशुद्ध जुइ।”