लेवी 4:4 - नेवाः बाइबल

⁴ वं द्वहंयात नापलायेगु पालया ध्‍वाखाय् परमप्रभुया न्‍ह्यःने हयाः वयागु छेनय् थःगु ल्‍हाः तयाः परमप्रभुया न्‍ह्यःने स्‍यायेमाः।

लेवी 4:4 Referans Kwoze

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।

दानिएल 9:26

“अले खुइनिगू वाः लिपा व अभिषेक जूम्‍ह मनूयात स्‍याइगु जुइ अले वयाके छुं ल्‍यं दइ मखु। अले हमला याःवइम्‍ह छम्‍ह शासकया सेनां शहर व देगः नाश याइ। खुसिबाः वःगु थें अन्‍त वइ। उकिं परमेश्‍वरं तयार यानादीगु लडाइँ व विनाश हइ।

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 4:15

खलःया थकालिपिन्‍सं परमप्रभुया न्‍ह्यःने द्वहंयागु छेनय् थथःगु ल्‍हाः तयेमाः, अले व द्वहंयात परमप्रभुया न्‍ह्यःने स्‍यायेमाः।

लेवी 4:29

वं शुद्ध जुइगु बलिया छेनय् थःगु ल्‍हाः तयेमाः अले होमबलिया थासय् स्‍यायेमाः।

लेवी 8:14

अनं लिपा वं पापबलिया द्वहं हल, अले हारून व वया काय्‌पिन्‍सं पापबलिया द्वहंया छेनय् थथःगु ल्‍हाः तल।

गन्‍ती 8:12

“अले लेवीतय्‌सं द्वहंतय्‌गु छेनय् थथःगु ल्‍हाः तयेमाः, अले लेवीतय्‌गु निंतिं प्रायश्‍चित यायेत छम्‍ह द्वहंचायात पापबलिकथं व निम्‍हय्‌सित होमबलिकथं छं परमप्रभुयात बलि छायेमाः।

२ इतिहास 29:23

शुद्ध जुइगु बलिया दुगुत धाःसा जुजु व खलःया न्‍ह्यःने हल, अले इमिसं दुगुतय् छेनय् थथःगु ल्‍हाः तल।