लेवी 3:6 - नेवाः बाइबल

⁶ “‘सुनानं परमप्रभुयात मेलबलिया बथांपाखें फैचा वा दुगुचा छाल धाःसा मिजंम्‍ह जूसां मिसाम्‍ह जूसां खू मदुम्‍ह पशुयात छायेमाः।

लेवी 3:6 Referans Kwoze

एफिसी 1:10

पाय्‌छिगु ई वइबलय् स्‍वर्ग व पृथ्‍वीइ दुगु फुक्‍क खँ ख्रीष्‍टया अधीनय् हयेगु परमेश्‍वरया ग्‍वसाः खः।

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।

गलाती 3:28

अय्‌जूगुलिं आः यहूदीत व यहूदीमखुपिं छु हे मपात। दास व दासमखुपिं, अले मिजं व मिसा नं मपात। येशू ख्रीष्‍टयात विश्‍वास याःगुलिं छिपिं फुक्‍कं छम्‍ह हे जुल।

प्रेरित 4:27

“थथे हे थ्‍व हे शहरय् नं छिं ल्‍यया तयादीम्‍ह छिकपिनि पवित्रम्‍ह सेवक येशूयागु विरोधय् हेरोद व पन्‍तियस पिलातस नं, यहूदीत व यहूदीमखुपिंनापं मुंगु खः।

यशैया 60:7

केदारया फुक्‍क फैच्‍वलय्‌तय् बथां छन्‍थाय् मूंवइ। नबायोतया फैतय्‌सं छंगु सेवा याइ। इपिं बलिकथं जिगु वेदीइ नालेबहः जुइ। अले महिमां जाःगु जिगु देगःयात जिं समाः याये।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

लेवी 1:2

“इस्राएलीतय्‌त धा, ‘सुनानं परमप्रभुया निंतिं बलि बीबलय् वयागु बलि सा द्वहंया बथां वा फै दुगुचाया बथांपाखें जुइमाः।

लेवी 22:20

खू दुम्‍हय्‌सित छिमिसं छाये मते, छाय्‌धाःसा व नालेबहः जुइ मखु।

गन्‍ती 15:5

होमबलिया छम्‍ह छम्‍ह चिधिकःम्‍ह भ्‍याःचानापं त्‍वँसाबलिकथं छगू हीनया प्‍यब्‍वय् छब्‍व दाखमद्य नं छायेमाः।

लेवी 19:5

“‘छिमिसं परमप्रभुयात मेलबलि छायेबलय् परमेश्‍वरपाखें थः नालेबहः जुइकथं छा।

लेवी 23:19

अनंलि छिमिसं पापबलिया निंतिं छम्‍ह दुगु व मेलबलिया निंतिं दच्‍छि दुपिं निम्‍ह चिधिकःपिं भ्‍याःचात छायेमाः।

गन्‍ती 6:14

अन वं होमबलिया निंतिं खू मदुम्‍ह दच्‍छि दुम्‍ह चिधिकःम्‍ह भ्‍याःचा छम्‍ह, पापबलिया निंतिं खू मदुम्‍ह दच्‍छि दुम्‍ह मिसाम्‍ह फैचा छम्‍ह, व मेलबलिया निंतिं खू मदुम्‍ह भ्‍याःचा छम्‍ह,