लेवी 26:6 - नेवाः बाइबल

⁶ “‘जिं छिमिगु देशय् शान्‍ति बी। छिपिं याउँक द्येने फइ। अले छिमित ख्‍याइपिं सुं दइ मखु। जिं देशं ग्‍यानापुपिं पशुत ख्‍याना छ्वये, अले छिमिगु देशय् लडाइँ जुइ मखु।

लेवी 26:6 Referans Kwoze

यशैया 35:9

अन सुं सिंह दइ मखु, न सुं स्‍याइपिं पशु अनं जुयाः वनी। अन मेगु छुं नं खतरा दइ मखु। तर उद्धार जुइ धुंकूपिं जक व लँपुं वनेखनी।

सपन्‍याह 3:13

इस्राएलयापिं ल्‍यंदुपिं मनूतय्‌सं गुगु कथंयागु नं द्वं याइ मखु। इमिसं मखुगु खँ ल्‍हाइ मखु। न इमिगु म्‍हुतुइ ध्‍वंलाइगु खँ हे दइ। इमिसं नइ अले याउँक ग्‍वार्तुलाच्‍वनी, अले सुनां इमित ख्‍याये फइ मखु।”

भजनसंग्रहया सफू 147:14

वय्‌कलं छंगु सिमानाय् शान्‍ति हयादी, वय्‌कलं भिंगु छ्वपाखें छंगु पित्‍याः लंकादी।

यर्मिया 30:10

“‘उकिं परमप्रभुं धयादी, हे जिम्‍ह दास, याकूबया सन्‍तान, ग्‍याये मते। हे इस्राएलयापिं मनूत, नुगः क्‍वतुंके मते। जिं थम्‍हं हे छिमित तापाःगु देशं व छिमि सन्‍तानयात ज्‍वनायंकातःगु देशं बचय् यानाः हये। याकूबयात हाकनं शान्‍ति व सुरक्षा दइ। सुनानं वयात ख्‍याये फइ मखु।’

हाग्‍गै 2:9

‘लिपायागु देगः न्‍हापायागु देगः स्‍वयाः झःझः धाइ। अले थ्‍व थासय् जिं शान्‍ति बी’ धकाः दक्‍व शक्ति दुम्‍ह परमप्रभुं धयादी।”

होशे 2:18

व दिं हे जिं इमिगु निंतिं गुँपशुत, आकाशया झंगःत व बँय् घिसय् जुइपिं पशुतनापं बाचा ची। सकलें याउँक च्‍वने फयेमा धकाः जिं धनुष वाण, तरवार व लडाइँ देशं तापाकाबी।

इजकिएल 34:25

“‘जिं इपिंलिसें शान्‍ति व सुरक्षाया बाचा ची, अले इपिं ढुक्‍क जुयाः मरुभूमिइ च्‍वनेदयेमा व गुँइ द्येने दयेमा धकाः गुँपशुतय्‌त देशं पितिना छ्वयाबी।

भजनसंग्रहया सफू 29:11

परमप्रभुं थः मनूतय्‌त बल बियादी परमप्रभुं थः मनूतय्‌त शान्‍तिया सुवाः बियादी।

इजकिएल 14:15

“धाये कि, जिं उगु देशय् गुँपशुत छ्वल, अले वयात काय्‌म्‍ह्याय् मदुपिं यानाबिल अले व देश उजाड जुल, उपिं पशुतय्‌सं यानाः उगु थासं सुं वये वने मफुत,

अय्‍यूब 11:19

छि छुं खनाः ग्‍याये म्‍वायेक ग्‍वारातुलादी, यक्‍व मनूतय्‌सं छिगु दया कायेत स्‍वइ।

प्रस्‍थान 23:29

जिं इमित छगू हे दँय् पितिनाछ्वये मखु, मखुसा देशय् झिजांमिजां दनी। अले जंगलया पशुत ल्‍याखय् अप्‍वः दयावइ।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

जकरिया 9:10

परमप्रभुं धयादी, एफ्राइमं जिं लडाइँया रथ चीकाबी, अले यरूशलेमं लडाइँया सलत यंके, लडाइँया धनुष त्‍वाःथला बी। वय्‌कलं जाति जातितय्‌त शान्‍तियागु खँ न्‍यंकादी। वय्‌कःया राज्‍य समुद्रंनिसें समुद्र तक अले यूफ्रेटिस खुसिंनिंसें पृथ्‍वीया सिथ तक न्‍यनावनी।

मीका 4:4

दक्‍व मनूत थःगु दाखमाया क्‍वय् व थःगु यःमरिमाया क्‍वय् च्‍वनेगु याइ। सुनानं इमित ख्‍याइ मखु, छाय्‌धाःसा दक्‍व शक्ति दुम्‍ह परमप्रभुं हे न्‍ववानादीगु दु।

इजकिएल 14:17

“अथवा थ्‍व देशया विरोधय् तरवार हयाः ‘देशया प्‍यखें थ्‍व तरवार चले जुइमा’ धकाः जिं धाल धाःसा अले जिं अन च्‍वंपिं मनूत व पशुत स्‍यानाबिल धाःसा,

इजकिएल 5:17

जिं छिमिगु दथुइ अनिकालनापं गुँपशुत छ्वयाहये, इमिसं छपाखें छिमि मस्‍त लाका काइ। छिमिगु दथुइ महामारी व हि बाः वइगु ज्‍या जुया हे च्‍वनी। जिं छन्‍त तरवारं पाले। जि परमप्रभुं हे थ्‍व धयागु खः।”

भजनसंग्रहया सफू 85:8

परमप्रभु परमेश्‍वरं छु धयादी व जिं न्‍यने। छाय्‌धाःसा वय्‌कलं थः विश्‍वास यायेबहःपिंलिसे शान्‍तिया खँ ल्‍हाइ। तर इपिं हाकनं मूर्ख लँय् मवनेमा।

भजनसंग्रहया सफू 4:8

जि याउँक ग्‍वारातुले, अले द्यने। छाय्‌धाःसा छि हे छम्‍ह जक दु, हे परमप्रभु, जितः रक्षा यानादीम्‍ह।

१ इतिहास 22:9

तर छिमि छम्‍ह काय् दइ, व शान्‍ति यःम्‍ह मनू जुइ। जिं प्‍यखेरं वया शत्रुतपाखें वयात शान्‍ति बी। वयागु नां सोलोमन जुइ, व इस्राएलय् जुजु जुयाच्‍वंतले जिं इस्राएलयात सुख व शान्‍ति बी।

२ राजा 2:24

व फहिल अले इमित स्‍वयाः परमप्रभुया नामय् सराः बिल। अबलय् लाक हे सिमात दुगु थासं निम्‍ह भालू पिहां वयाः इपिं मध्‍ये पिइनिम्‍ह मिजंमस्‍तय्‌त तच्‍वकं घाःपा यानाबिल।

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।

प्रेरित 12:6

हेरोदं मनूतय् न्‍ह्यःने यंकेगु न्‍ह्यर्खुन्‍हु चान्‍हय् पत्रुस निम्‍ह सिपाइँतय्‌गु दथुइ निपु सिखलं चिकाः द्यनाच्‍वन। लुखाय् नं सिपाइँ पाः च्‍वनाच्‍वंगु दु।

इजकिएल 14:21

“परमप्रभु परमेश्‍वरं थथे धयादी – जिं यरूशलेमय् अन च्‍वंपिं मनूत व पशुत स्‍यायेत जिगु प्‍यंगू सजाँय– तरवार, अनिकाल, गुँपशुत व महामारी छ्वयेबलय् झन गुलि बांमलाइगु जुइ!

यर्मिया 31:26

थुबलय् हे जि न्‍ह्यलं चाल अले जिं प्‍यखेरं स्‍वयाः। जिगु म्‍हगस जितः न्‍ह्यइपुसे च्‍वन।

यशैया 45:7

जिं जः दय्‌का, अले खिउँगुयात नं सृष्‍टि याना। जिं आशिष व विपत्ति निगुलिं हया। जि परमप्रभुं हे थुपिं फुक्‍क ज्‍या याना।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

भजनसंग्रहया सफू 3:5

जि ग्‍वारातुलाः द्यने अले हानं दने, छाय्‌धाःसा परमप्रभुं जितः रक्षा यानादीगु खः।

हितोपदेश 6:22

थुमिसं छन्‍त छ लँय् जुइबलय् लँ क्‍यनाबी, छ द्यनीबलय् छंगु सुसाःकुसाः याइ, अले छ दनाच्‍वनीबलय् छलिसे खँल्‍हाबल्‍हा याइ।

हितोपदेश 3:24

छ मग्‍यासे लासाय् ग्‍वारातूवने फइ, अले चच्‍छिं छन्‍ह्यः यानाः द्यनेफइ।

अय्‍यूब 5:23

छं बुँयागु ल्‍वहंतनापं बाचा ची, गुँपशुत छनापं मिलय् जुयाच्‍वनी।

लेवी 26:22

अले जिं छिमिगु दथुइ गुँपशु छ्वया हये। इमिसं छिमि मस्‍तय्‌त नयाबी। अले छिमि लहिनातःपिं पशुतय्‌त स्‍यानाबी। छिमिगु ल्‍याः थुलि कम जुइकि छिमिगु लँपुइ जुइपिं मनूत हे दइ मखु।

लेवी 26:7

छिमिसं थःपिनि शत्रुतय्‌त लिनाः तरवारं स्‍याये फइ।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

लेवी 25:18

“‘छिमिसं परमेश्‍वरं धाःथें या। अले छिपिं व देशय् सुरक्षित जुयाः म्‍वानाच्‍वनी।

लेवी 25:19

बुं अन्‍न सय्‌की, अले छिमिसं थःपिन्‍त छु माल व नयेखनी। अले छिपिं सुरक्षित जुयाः म्‍वानाच्‍वनी।

२ इतिहास 20:30

उकिं यहोशापातया देशय् शान्‍ति जुयाच्‍वन। परमेश्‍वरं वयात प्‍यखेरं आराम बियादिल।

भजनसंग्रहया सफू 144:14

झी सा द्वहंया मचा छम्‍ह हे क्‍वहां मवय्‌क यक्‍व दयेमा। झीगु पखाः थुनी मखु, झीपिं ज्‍वंकाः वनेमाली मखु, अले झीगु लँय् दुःखं जाःगु ख्‍वःसः ताये मदयेमा।

यशैया 35:8

अन छपु मू लँ दइ, वयात पवित्रताया लँ धकाः धाइ। सुं अशुद्धपिं अनं जुयाः वनी मखु। तर व लँ इमिगु निंतिं जक जुइ गुम्‍ह अनं जुयाः वंगु दु। दुष्‍टत व मूर्खत अनं वने दइ मखु।

इजकिएल 34:27

ख्‍यलय् दुगु सिमातय्‌सं फलफुल बी, जमिनं थःगु बाली बी, मनूत देशय् सुरक्षित जुइ। इमिगु जुवाया सिँ त्‍वधुलाः इमित दास दय्‌कूपिंपाखें त्‍वःतकीबलय् जि हे परमप्रभु खः धकाः इमिसं सी।

होशे 2:20

जिं छन्‍त जिगु विश्‍वास बहःगुलीं थः कलाः यानातये, अले छं जितः परमप्रभु धकाः म्‍हसी।”