लेवी 20:3 - नेवाः बाइबल

³ वं थः मचा मोलोखयात छाइबलय् जिगु पवित्र पालयात अशुद्ध याइ अले जिगु पवित्र नांयात क्‍वह्यंकी, अथे जुयाः जि थः हे वयागु विरोधय् वनाः वयात थः मनूतपाखें पितिनाछ्वये।

लेवी 20:3 Referans Kwoze

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

इजकिएल 5:11

“गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छंगु फुक्‍क घच्‍चाइपुगु मूर्तित व छं याःगु घच्‍चाइपुगु व्‍यवहारपाखें जिगु पवित्र थाय्‌यात छं अशुद्ध याःगुलिं जिं धात्‍थें हे छिमित नाश याये, जिं छिमित मायां स्‍वये मखु अले जिं छन्‍त दया नं याये मखु।

लेवी 17:10

“‘इस्राएलीत वा इपिं नापं च्‍वनाच्‍वंपिं परदेशीत मध्‍ये सुनानं हि नल धाःसा जिं व हि नइम्‍ह मनूयागु विरोध याये, अले वयात थः मनूतपाखें पितिनाछ्वये।

२ कोरिन्‍थी 6:16

परमेश्‍वरयागु देगःलिसे मूर्तियागु छु स्‍वापु? झीपिं हे म्‍वाःम्‍ह परमेश्‍वर च्‍वनीगु देगः खः। थथे ला परमेश्‍वरं हे धयादीगु दु – “जि इपिंनापं च्‍वने, अले इपिंनापं जुइ। जि इमि परमेश्‍वर जुइ अले इपिं जिमि मनूत जुइ।”

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

गन्‍ती 19:20

अशुद्ध जूम्‍ह मनुखं थःत शुद्ध मयात धाःसा वयात खलःया दथुं नाश याना छ्वयेमाः, छाय्‌धाःसा वं परमप्रभुया पवित्र पालयात अशुद्ध यात। वयागु म्‍हय् शुद्ध यायेगु लखं मछ्वाकूगुलिं व अशुद्धम्‍ह हे जुइ।

लेवी 15:31

“‘थुकथं छिमिसं इस्राएलीतय्‌त अशुद्ध याइगु खँपाखें अलग तयेमाः। मखुसा इमिसं थःपिन्‍थाय् च्‍वंगु जिगु पवित्र पालयात अशुद्ध याइ। अले इपिं थःपिनिगु अशुद्ध खँया हुनिं सी माली।’”

१ पत्रुस 3:12

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु, मभिंगु ज्‍या याइपिनिपाखें धाःसा वय्‌कः फस्‍वयादी।”

लेवी 20:4

वं थः मचा मोलोखयात छाःबलय् खलःयाम्‍ह सुनानं मखंछु यानाः व मनूयात मस्‍यात धाःसा

गन्‍ती 19:13

सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

लेवी 7:20

तर अशुद्ध जुयाः परमप्रभुया मेलबलिया ला सुनानं नल धाःसा वयात वया मनूतय् दथुं पितिना छ्वयेमाः।

लेवी 7:21

सुनानं मनूया अशुद्ध, पशुया अशुद्ध वा मेगु छुं घचाइपुगु वस्‍तु थियाः परमप्रभुया मेलबलिया ला नल धाःसा वयात वया मनूतय् दथुं पितिना छ्वयेमाः।’”

लेवी 19:12

“‘जिगु नां कयाः मखुगु पाफयाः थः परमेश्‍वरया नां क्‍वह्यंके मते। जि परमप्रभु छिमि परमेश्‍वर खः।

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।