लेवी 19:2 - नेवाः बाइबल

² “सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 19:2 Referans Kwoze

लेवी 20:7

“‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

मत्ती 5:48

अय्‌जूगुलिं स्‍वर्गय् दीम्‍ह छिमि बाः सिद्धम्‍ह खः, उकिं छिपिं नं अथे हे सिद्ध जु।

लेवी 20:26

छिपिं जिगु निंतिं पवित्र जुइमाः, छाय्‌धाःसा जि परमप्रभु पवित्र खः। अले जिं छिमित थः मनूत यायेत मेगु जातितपाखें अलग तयागु खः।

प्रस्‍थान 19:6

छिपिं जिगु निंतिं पुजाहारीतय्‌गु छगू राज्‍य व छगू पवित्र जाति जुइ।’ छं इस्राएलीतय्‌त धायेमाःगु खँ थ्‍व हे खः।”

लेवी 21:8

मनूतय्‌सं इमित पवित्र भाःपीमाः, छाय्‌धाःसा इमिसं छिमि परमेश्‍वरयात अन्‍नबलि छाइ। मनूतय्‌सं इमित पवित्र भाःपीमाः, छाय्‌धाःसा जि छिमित पवित्र याइम्‍ह परमप्रभु पवित्र खः।

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

आमोस 3:3

छु निम्‍ह मनू खँ मिलय् मजुइकं निम्‍हं नापनापं जुइ ला?

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

प्रस्‍थान 22:31

“छिपिं जिमि पवित्र मनू जुइ। उकिं छिमिसं जंगली पशुतय्‌सं स्‍याःम्‍ह पशुयागु ला नये मते, वयात छिमिसं खिचातय्‌त वान्‍छ्वया ब्‍यु।”

लेवी 19:1

परमप्रभुं मोशायात धयादिल,

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।

१ शमूएल 2:2

“परमप्रभु थें पवित्रम्‍ह सुं हे मदु, अले वय्‌कः थें ज्‍याःम्‍ह सुं हे मदु। झी परमेश्‍वर थें रक्षा याइम्‍ह मेपिं सुं हे मदु।

भजनसंग्रहया सफू 99:3

इमिसं छिगु तःधंगु व तःजिगु नांया प्रशंसा यायेमा! वय्‌कः पवित्र खः।

लेवी 21:15

मखुसा वया काय्‌म्‍ह्याय्‌पिं अशुद्ध जुइ। जि वयात पवित्र याइम्‍ह परमप्रभु खः।’”

लेवी 21:23

तर वयाके खू दुगुलिं वं पर्दा व वेदीया लिक्‍क वयाः जिगु पवित्र पालयात अशुद्ध यायेदइ मखु। छाय्‌धाःसा जि उकियात पवित्र याइम्‍ह परमप्रभु खः।’”

व्‍यवस्‍था 27:10

परमप्रभु छिमि परमेश्‍वरया खँ न्‍यँ, अले जिं थौं बियाच्‍वनागु वय्‌कःया आज्ञा व विधि बांलाक मानय् या।”