लेवी 16:3 - नेवाः बाइबल

³ “हारून महा-पवित्र थासय् दुहां वने न्‍ह्यः वं थुपिं उजं पालन यायेमाः, वं पापबलिया निंतिं छम्‍ह द्वहंचा व होमबलिया निंतिं छम्‍ह भ्‍याःचा हयेमाः।

लेवी 16:3 Referans Kwoze

लेवी 4:3

“‘अभिषेक जूम्‍ह पुजाहारीं पापयात धाःसा फुक्‍क मनूतय्‌त दोष लाःगु जुइ। थथे जूगुलिं वं याःगु पापया निंतिं छम्‍ह खू मदुम्‍ह द्वहंचा परमप्रभुया न्‍ह्यःने पापबलिकथं छायेमाः।

हिब्रू 9:7

दुने च्‍वंगु महा-पवित्रगु थासय् दँय् छकः दकलय् तःधंम्‍ह पुजाहारी जक थःगु व मेपिनिगु मसीकं याःगु पापयागु निंतिं हि छायेत दुहां वनी।

लेवी 8:18

अनं लिपा मोशां होमबलि छायेत भ्‍याःचा हल। हारून व वया काय्‌पिन्‍सं थथःगु ल्‍हाः भ्‍याःचाया छेनय् तल।

लेवी 1:10

“‘सुनानं परमप्रभुया निंतिं बथांपाखें फै वा दुगुचा बलि हल धाःसा वं खू मदुम्‍ह मिजंम्‍ह छायेमाः।

हिब्रू 9:12

वय्‌कः दुगुचा व द्वहंचातय्‌गु हि हाय्‌काः मखु, बरु थःगु हे हि हाय्‌काः उद्धार बीम्‍ह जुयाः छकलं हे सदांयात महा-पवित्रगु थासय् दुहां झाःगु खः।

लेवी 9:3

अले इस्राएलीतय्‌त धा, ‘पापबलिया लागिं छम्‍ह दुगु व होमबलिया लागिं दच्‍छि दुम्‍ह व खू मदुम्‍ह द्वहंचा व चिधिकःम्‍ह भ्‍याःचा छम्‍ह छम्‍ह ज्‍वँ।

लेवी 8:14

अनं लिपा वं पापबलिया द्वहं हल, अले हारून व वया काय्‌पिन्‍सं पापबलिया द्वहंया छेनय् थथःगु ल्‍हाः तल।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 4:1

परमप्रभुं मोशायात धयादिल,

लेवी 16:6

“अनंलि हारूनं थःगु पापबलिया द्वहं छायेमाः अले थःगु व थः छेँजःया निंतिं प्रायश्‍चित यायेमाः।

लेवी 9:2

अले वं हारूनयात धाल, “थःगु पापबलिया निंतिं छम्‍ह खू मदुम्‍ह द्वहंचा व होमबलिया निंतिं खू मदुम्‍ह भ्‍याःचा यंकाः परमप्रभुया न्‍ह्यःने बलि ब्‍यु।