लेवी 13:4 - नेवाः बाइबल

⁴ तर व चातः छेंगुलिइ तुयुसे च्‍वंसा, अले स्‍वइबलय् व छेंगू स्‍वया गाः वंगु खने मदुसा, अले उकी बुयावःगु सँ नं तुयुसे च्‍वनावःगु मदुसा, पुजाहारीं व ल्‍वगियात न्‍हय्‌न्‍हु तक अलग तयेमाः।

लेवी 13:4 Referans Kwoze

गन्‍ती 12:15

अथे जुयाः मिरियमयात न्‍हय्‌न्‍हु तक छाउनीं पिने कुनातल। वयात लित महतले मनूत अनं न्‍ह्यमज्‍याः।

१ तिमोथी 5:24

गुम्‍हय् गुम्‍हय्‌सिगु पाप ला बांलाक हे सी दयाच्‍वनी, इपिं न्‍हापा हे दोषी ठहरय् जुइ। गुलिसिगुं पाप ला लिपा लिपा जक सी दइ।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

इजकिएल 44:10

“‘इस्राएलीत मखुगु लँय् वंगु दिनंनिसें जिपाखें तापाना वंपिं लेवीतय्‌सं व जितः त्‍वःताः थःगु मूर्तिया ल्‍यूल्‍यू जुया जूपिं लेवीतय्‌सं थःगु पापया सजाँय फये हे माः।

व्‍यवस्‍था 13:14

छिमिसं बांलाक न्‍यनेकने या, उकियात दुवालाः स्‍व। अले अज्‍याःगु घच्‍चाइपुस्‍से च्‍वंगु ज्‍या धात्‍थें जूगु खःसा अले दसि लुल धाःसा

लेवी 13:3

थज्‍याःगु घाः पुजाहारीं स्‍वयेमाः अले वयागु ल्‍वचं काःगु थासय् बुयावःगु सँ तुयुसे च्‍वंसा वा व घाः छेंगू स्‍वयाः गाः वंगु खनेदत धाःसा, व पुनेयःगु ल्‍वय् खः। पुजाहारीं उकियात जाँचय् यानाः स्‍वये धुंकाः वयात अशुद्ध थहरय् यायेमाः।

लेवी 13:5

न्‍हय्‌न्‍हु दुखुन्‍हु पुजाहारीं वयात जाँचय् यानाः स्‍वइबलय् व घाः न्‍हापां गथे खः अथे हे खनेदुसा अले छेंगुलिइ व घाः न्‍यनावंगु मदुसा पुजाहारीं वयात हानं न्‍हय्‌न्‍हु तक अलग तयेमाः।

लेवी 13:11

वयागु म्‍हय् दुगु थ्‍व धात्‍थें हे पुनेयःगु ल्‍वय् खः। अले पुजाहारीं वयात अशुद्ध थहरय् यायेमाः। व अशुद्ध थहरय् याय् धुकूंम्‍ह जूगुलिं पुजाहारीं वयात न्‍हय्‌न्‍हुया निंतिं अलग तयेम्‍वाः।

लेवी 13:31

तर पुजाहारीं व चासुइगु ल्‍वय् जाँचय् याःबलय् व छेंगू स्‍वयाः गाः मवंसा अले उकी हाकुगु सँ नं मदुसा, वं ल्‍वगियात न्‍हय्‌न्‍हु तक अलग तयेमाः।

लेवी 13:25

पुजाहारीं वयात जाँचय् यायेमाः। अले व घालय् बुयावःगु चिमिसँ तुयुसे च्‍वनावःसा, व घाः जूगु थासय् स्‍वइबलय् छेंगू स्‍वयाः गाः वंगु खनेदःसा, पुजाहारीं वयात अशुद्ध थहरय् यायेमाः। व मिं पुनाजूगु घाःपाखें वःगु पुनेयःगु ल्‍वय् खः।

लेवी 13:26

“तर पुजाहारीं स्‍वइबलय् धात्‍थें व घालय् तुयुगु चिमिसँ बुयामवःसा, अले व छेंगू स्‍वयाः गाः मवंसा अले व गनावना च्‍वंसा, पुजाहारीं वयात न्‍हय्‌न्‍हु तक अलग तयेमाः।

लेवी 13:50

पुजाहारीं उकियात जाँचय् यायेमाः अले उकियात न्‍हय्‌न्‍हु तक अलग तयेमाः।

लेवी 14:38

पुजाहारीं छेँनं पिहां वनाः न्‍हय्‌न्‍हु तक छेँय् तालं ग्‍वयाः तयेमाः।

गन्‍ती 12:14

परमप्रभुं मोशायात लिसः बियादिल, “वया बौनं वयागु ख्‍वालय् थुकलं ब्‍यूगु जूसा छु व न्‍हय्‌न्‍हु तक मछाला मच्‍वनी ला? वयात न्‍हय्‌न्‍हु तक छाउनीं पिने कुना ति! अनं लिपा लित हःसां ज्‍यू।”