लेवी 10:1 - नेवाः बाइबल

¹ हारूनया काय्‌पिं नादाब व अबीहूं थथःगु गुँगू थनेगु मकः कयाः उकी मि थन, अले व मिइ धुपाँय्‌ तयाः परमप्रभुं उजं बियामदीगु मि तयाः वय्‌कःया न्‍ह्यःने छाल।

लेवी 10:1 Referans Kwoze

गन्‍ती 26:61

नादाब व अबीहू धाःसा परमप्रभुया न्‍ह्यःने छाये मत्‍यःगु मि छाःबलय् सिनावन।

लेवी 16:12

वं परमप्रभुया न्‍ह्यःने च्‍वंगु वेदीं जायेक मि च्‍याकातःगु मकः व निपा ल्‍हातिं जायेक नस्‍वाः वःगु विशेष धुपाँय्‌चुं कयाः महा-पवित्र थासय् दुने यंकेमाः।

व्‍यवस्‍था 12:32

जिं छु छु आज्ञा बियागु दु उपिं फुक्‍क बांलाक मानय् या। उकी छुं तने नं मते लिकाये नं मते।

गन्‍ती 16:46

मोशां हारूनयात धाल, “छिगु गुँगू थनेगु मकः कयादिसँ, अले उकी वेदीं मि तयाः गुँगू तयादिसँ, अले याकनं हे व खलःयाथाय् यंकाः इमित प्रायश्‍चित याकि, छाय्‌धाःसा परमप्रभुया तं च्‍याये धुंकूगु दु, महामारी शुरु जूगु दु।”

प्रस्‍थान 24:1

हानं परमप्रभुं मोशायात धयादिल, “छ हारून, नादाब, अबीहू व न्‍हयेम्‍ह थकालित नापं जिथाय् च्‍वय् थहां वा अले तापाक्‍कं हे आराधना या।

प्रस्‍थान 6:23

हारूनं अम्‍मीनादाबया म्‍ह्याय्, नहशोनया केहेँ एलीशेबानापं ब्‍याहा यात। वं वयापाखें नादाब, अबीहू, एलाजार व ईतामारयात बुइकल।

भजनसंग्रहया सफू 141:2

जिगु प्रार्थना छिगु न्‍ह्यःने नस्‍वाःगु धुपाँय् थें जुइमा, अले जिं थःगु ल्‍हाः ल्‍ह्वनीबलय् व छिगु लागि सन्‍ध्‍याया बलि थें जुइमा।

लेवी 22:9

“‘अथे जुयाः इमिसं जिगु विधियात मानय् यायेमाः, मखुसा इपिं जिगु विधियात मानय् मयाःगुलिं दोषी जुयाः सिनावनी। जि इमित पवित्र याइम्‍ह परमप्रभु खः।

प्रस्‍थान 28:1

“छं इस्राएलीतय् दथुं छिमि दाजु हारून व वया काय्‌पिं नादाब, अबीहू, एलाजार व ईतामारयात जिगु निंतिं पुजाहारीया ज्‍या यायेत थःथाय् हजि।

प्रस्‍थान 24:9

अनं लिपा मोशा, हारून, नादाब, अबीहू व न्‍हयेम्‍ह थकालित च्‍वय् थहां वन।

लेवी 16:1

हारूनया निम्‍ह काय्‌पिं परमप्रभुया न्‍ह्यःने वनाः सी धुंकाः परमप्रभुं मोशालिसें खँ ल्‍हानादिल।

लेवी 9:24

उबलय् हे परमप्रभुयापाखें मि पिहां वयाः वेदीइ च्‍वंगु होमबलि व दाःयात भस्‍म यात। थ्‍व खनाः मनूत तःसलं हालाः बँय् भ्‍वसुल।

प्रस्‍थान 27:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कि। थुपिं फुक्‍क कँय्‌यागु जुइमाः।

हिब्रू 9:4

थन लुँयागु गुँगू थनेगु वेदी व लुं भुनातःगु बाचा चिनादीगु सनू दु। व सनू दुने लुँयागु थलय् मन्‍न तयातःगु दु, अले चुलि ह्वयाच्‍वंगु हारूनयागु तुतां छपु, व व्‍यवस्‍था च्‍वयातःगु ल्‍वहं पौ निपाः तयातःगु दु।

यर्मिया 44:15

अले उगु महासभाय् दुपिं मिजंतय्‌सं, थः कलाःपिन्‍सं मेपिं द्यःतय्‌गु लागि धुपाँय् च्‍याकूगु स्‍यूपिं मनूतय्‌सं व अन दनाच्‍वंपिं मेपिं सकलें मिसातय्‌सं अले मिश्रया उत्तरपाखे व दच्‍छिनपाखेयापिं सकलें यहूदाया मनूतय्‌सं यर्मियायात धाल,

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 19:5

इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

व्‍यवस्‍था 17:3

जिगु उजं मानय् मयासें द्यःत वा सूर्य, तिमिला वा आकाशया नगुतय्‌गु पुजा याःगु दुसा वा इमित भागि याःगु दुसा,

व्‍यवस्‍था 4:2

जिं छिमित बियागु आज्ञाय् छुं तने नं मते लिकाये नं मते। अय्‌नं जिं छिमित बियागु परमप्रभु छिमि परमेश्‍वरया आज्ञा मानय् या।

प्रस्‍थान 40:27

परमप्रभुं मोशायात उजं बियादीगु थें उकी वं नस्‍वाःगु गुँगू च्‍याकल।

प्रस्‍थान 38:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कल। थुपिं फुक्‍क कँय्‌यागु जुल।

प्रस्‍थान 37:29

बजलेलं अभिषेक यायेगु पवित्र चिकं व अत्तर दय्‌के सःम्‍हय्‌सिनं थें नस्‍वाःगु भिंगु गुँगू दय्‌कल।

प्रस्‍थान 31:11

अभिषेक यायेगु चिकं व पवित्र थासय् च्‍याकेत नस्‍वाःगु गुँगू, थ्‍व फुक्‍कं जिं छन्‍त बियागु उजंकथं हे इमिसं दय्‌केमाः।”

१ राजा 18:38

अबलय् हे परमप्रभुया मि कुतुंवल अले मिं बलि, सिँ, ल्‍वहं व चायात भस्‍म यानाबिल। अले गालय् दुगु लःयात नं गंकाबिल।

प्रस्‍थान 8:27

जिपिं स्‍वन्‍हुया लँपु जुयाः मरुभूमिइ परमप्रभु थः परमेश्‍वरं उजं बियादी थें वय्‌कःया निंतिं बां बीत वनेमाः।”

गन्‍ती 4:18

“लेवीतय् दथुं कहातीतय् वंश नाश जुइके बी मते।