लेवी 1:11 - नेवाः बाइबल

¹¹ वं परमप्रभुया न्‍ह्यःने वेदीया उत्तरपाखे छाःम्‍ह पशुयात पालाः स्‍यायेमाः, अले हारूनया पुजाहारी काय्‌पिन्‍सं वयागु हि वेदीइ जःखः छ्वाकेमाः।

लेवी 1:11 Referans Kwoze

लेवी 1:5

व मनुखं द्वहंचायात परमप्रभुया न्‍ह्यःने स्‍यायेमाः। अले हारूनया पुजाहारी काय्‌पिन्‍सं द्वहंया हि कयाः नापलायेगु पालया ध्‍वाखाया दुने च्‍वंगु वेदीया छचाःखेरं छ्वाकेमाः।

इजकिएल 8:5

अले वय्‌कलं जितः धयादिल, “अय् सीमानिम्‍ह मनू, उत्तरपाखे स्‍व!” उकिं जिं उत्तरपाखे स्‍वया, वेदी दुगु चक्‍कंगु थाय्‌या उत्तरपाखे दुगु लुखाय् व परमेश्‍वरयात तंचाय्‌कीगु मूर्ति जिं खना।

लेवी 7:2

गुगु थासय् होमबलि स्‍याइ व हे थासय् दोषबलिया भ्‍याःचा नं स्‍यायेमाः। वयागु हि वेदीया जःखः छ्वाकेमाः।

लेवी 6:25

“हारून व वया काय्‌पिन्‍त धा, ‘पापबलि छायेगु विधि थथे खः। होमबलि ब्‍यूथाय् हे पापबलि नं परमप्रभुया न्‍ह्यःने बीमाः। थ्‍व तसकं पवित्रगु बलि खः।

प्रस्‍थान 40:22

अले वं पवित्र पालया उत्तरपाखे पर्दाया पिने तेबिल तल।

प्रस्‍थान 24:6

मोशां उकिया बच्‍छि हि कयाः ख्‍वल्‍चाय् तल, बच्‍छि हि धाःसा वेदीइ छ्वाकल।

लेवी 4:29

वं शुद्ध जुइगु बलिया छेनय् थःगु ल्‍हाः तयेमाः अले होमबलिया थासय् स्‍यायेमाः।

लेवी 8:19

अले मोशां भ्‍याःचायात स्‍यात। अनं लिपा मोशां हि वेदीया जःखः छ्वाकल।

लेवी 14:13

अले वं पापबलि व होमबलि स्‍याइगु पवित्र इलाकाय् चिधिकःम्‍ह भ्‍याःचायात स्‍यायेमाः। छाय्‌धाःसा पापबलि पुजाहारीया जू थें दोषबलि नं वयागु हे जुइ। अले व तसकं पवित्र खः।

इजकिएल 43:18

अले वं जितः धाल, “अय् सीमानिम्‍ह मनू, परमप्रभु परमेश्‍वरं थथे धयादी – वेदी दय्‌के धुंकाः होमबलि छायेत व वेदीइ हि हाः यायेगु विधि थ्‍व हे खः।