विलाप 4:9 - नेवाः बाइबल

⁹ नयेपित्‍याकाः सीपिं स्‍वयाः तरवारं सीपिं हे बांलाइ। बुँइ फल मसःगुलिं इपिं नयेपित्‍यानाः गंसि जुयावनी।

विलाप 4:9 Referans Kwoze

इजकिएल 24:23

छिमिगु फेटा छिमिगु हे छेनय् दइ, अले छिमिगु लाकां छिमिगु हे तुतिइ। छिपिं दुखं च्‍वनी मखु, छिपिं ख्‍वइ मखु, तर छिपिं थःगु पापं यानाः सुकूचिन वनी, अले थः हे नुगः मछिंकाच्‍वनी।

लेवी 26:39

छिपिं मध्‍ये ल्‍यंदुपिं धाःसा शत्रुतय्‌गु देशय् थःगु व थः पुर्खातय्‌गु पापया हुनिं ध्‍वग्‍गिनावनी।

इजकिएल 33:10

“अय् सीमानिम्‍ह मनू, इस्राएलया घरानायात धा, ‘छिमिसं थथे धयाच्‍वंगु दु, “जिमिगु पाप व अपराधं जिमित क्‍वत्‍यलातःगु दु। उकिं यानाः जिपिं बमलाना वनाच्‍वंगु दु। जिपिं गथे यानाः म्‍वानाच्‍वनेगु?”’

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

प्रस्‍थान 16:3

इमिसं थथे धाल, “जिमित परमप्रभुं मिश्रय् हे स्‍यानादीगु जूसा ला ज्‍यूगु नि। मिश्रय् दुबलय् जिमिसं ला व मरि प्‍वाः जाय्‌क नये दु। जिपिं फुक्‍कसित नये मखंक स्‍यायेत छिकपिन्‍सं जिमित थ्‍व हे मरुभूमिइ छाय् हयादियागु?”

२ राजा 25:3

प्‍यंगूगु लाया गुंगूगु दिंखुन्‍हु शहरय् तसकं अनिकाल जुल। मनूतय् छुं नं नये मन्‍त।

व्‍यवस्‍था 28:51

अले छिपिं भज्‍यंक मस्‍यंतले इमिसं छिमि बथांयापिं सा-द्वहंया मचा वा फैच्‍वलय्‌या मचा अले छिमिगु बुँइ सःगु बालि नयाबी। अले इमिसं छिमिगु अन्‍न, न्‍हूगु दाखमद्य व जैतूनया चिकं छुं नं ल्‍यंकी मखु।

यशैया 22:2

अय् हलचलं जाःगु शहर, लसताया सलं जाःगु शहर। छिमि सीपिं तरवारं स्‍याःगु मखु, व इपिं लडाइँलय् हे सीगु खः।

इजकिएल 4:16

अनंलि वय्‌कलं जितः धयादिल, “अय् सीमानिम्‍ह मनू, जिं यरूशलेमय् अन्‍न वयेगु बन्‍द यानाबी। आः लना लनाः धन्‍दा कयाः इमिसं मरि नइ, अले दाना दानाः ग्‍याग्‍यां इमिसं लः त्‍वनी।

इजकिएल 7:15

पिने तरवार दु, दुने महामारी व अनिकाल दु, गामय् दुपिं तरवारपाखें सी, अले शहर दुने दुपिन्‍त अनिकाल व तरवारं नइ।