विलाप 3:2 - नेवाः बाइबल

² वय्‌कलं जितः यंकादिल, तुयु जलय् मखु बरु खिउँगु थासय् न्‍यासिकादिल।

विलाप 3:2 Referans Kwoze

यशैया 59:9

अथे जुयाः न्‍याय झीपिंपाखें तापानाच्‍वंगु दु। धार्मिकतां झीत नापलाके फइ मखु। झीसं जःया लँपुयात स्‍वयाच्‍वनी, तर फुक्‍क खिउँसे च्‍वनाच्‍वंगु दु। झीसं तुयुजःया लँपु स्‍वयाच्‍वनी, तर तसकं खिउँसे च्‍वंगु लँपुइ जुयाच्‍वनी।

अय्‍यूब 30:26

जिं भिं जुइगु आशा यानागु खः, तर उकिया पलेसा मभिं वल। जःयागु आशा यानागु खः, तर खिउँगु वल।

यहूदा 1:13

थुपिं समुद्रया ग्‍यानापुगु किसिद्वम्‍बः खः। थुमिसं थःगु घच्‍चायापुगु ज्‍याखँ समुद्र दासि वये थें यानाक्‍यनी। थुपिं चाचाःहिला च्‍वनीगु नगु खः। थुमिगु निंतिं सदांयात तसकं खिउँगु थाय् दय्‌कातःगु दु।

यहूदा 1:6

थःगु ज्‍या मयासें छेँ त्‍वःतावःपिं स्‍वर्गदूततय्‌त दकलय् लिपा न्‍याय यानादीत वय्‌कलं गुब्‍सं मब्‍यनिकथं चिनाः खिउँथाय् कुनादिल।

विलाप 2:1

परमप्रभुं थःगु तम्‍वय् म्‍ह्याय् सियोनयात गय् यानाः तसकं खिउँगुलिं त्‍वपुयादीगु दु। वय्‌कलं इस्राएलया गौरवयात आकाशं पृथ्‍वीइ वांछ्वयादिल। थःगु तंया दिनय् वय्‌कलं थःगु पाउदानयात नं लुमंका मदी।

यर्मिया 13:16

वय्‌कलं तसकं खिउँगु हये न्‍ह्यः हे, तसकं खिउँगु डाँडाय् छिपिं लुफिंहाये न्‍ह्यः हे परमप्रभु थः परमेश्‍वरया प्रशंसा या! छिमिसं जःया आशा याइ, तर वय्‌कलं उकियात खिउँगुलिइ हिलाः तसकं खिउँकादी।

यर्मिया 4:23

जिं पृथ्‍वीइ स्‍वया, थ्‍व बां मलू अले शून्‍य। अले आकाशय् स्‍वया, उकी जः मदु।

अय्‍यूब 18:18

वयात जःपाखें खिउँगुलिइ लिनाछ्वइ, अले संसारं पितिनाछ्वइ।

व्‍यवस्‍था 28:29

कांम्‍ह मनुखं खिउँगु थासय् पचिपचि याः थें न्‍हिनय् छिमिसं पचिपचि याना जुइ। छिमिगु न्‍ह्यागु ज्‍याय् नं छिपिं ताःलाइ मखु। न्‍हियान्‍हिथं छिमित क्‍वत्‍यलातइ, छिमिके दुगु लाकायंकी। छिमित ग्‍वाहालि याइम्‍ह सुं नं दइ मखु।