विलाप 2:2 - नेवाः बाइबल

² परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

विलाप 2:2 Referans Kwoze

विलाप 3:43

“छि जिपिं खनाः तम्‍वयादिल, छिं जिमित लिनादिल अले दयामाया हे मयासें जिमित स्‍यानादिल।

विलाप 2:17

परमप्रभुं छु योजना यानादीगु खः। यक्‍व दँ न्‍हापा वय्‌कलं छु घोषणा यानादीगु खः, व हे वचन वय्‌कलं पूवंकादिल। छुं हे दयामाया मदय्‌क वय्‌कलं छन्‍त नाश यानादिल। वय्‌कलं शत्रुयात छंगुपाखें लय्‌ताय्‌कादिल, अले छंगु शत्रुतय्‌गु शक्ति अप्‍वय्‌कादीगु दु।

यशैया 43:28

अथे जुयाः जिं छंगु देगःया थकालितय्‌त अशुद्ध ठहरय् याना। जिं याकूबया लागिं पूर्ण नाश हयागु दु, जिं इस्राएलयात बदनाम जुइके बियागु दु।”

यशैया 25:12

छंगु तःतज्‍जाःगु किल्‍लात दुगु पःखात वय्‌कलं थुनादी, अले उमित बँय् धुलय् वान्‍छ्‌वयादी।

भजनसंग्रहया सफू 21:9

जुजुं थः खनेदय्‌कः वइबलय् मिप्‍वालं कय्‌काः इमित नाश याइ। परमप्रभुं तमय् इमित मिं भस्‍म यानादी।

इजकिएल 9:10

उकिं जिं धाःसा, जिं थःगु मिखा मेखेपाखे स्‍वय्‌के, अले जिं इमित भचा नं दया याये मखु, तर इमिसं छु याःगु दु, इमिगु ज्‍याया लिच्‍वः जिं इमिगु हे छेनय् प्‍वंकाबी।”

विलाप 2:21

“ल्‍याय्‌म्‍ह व बुरातय्‌गु सीम्‍ह गल्‍लि गल्‍लिइ धुलय् अथें लानाच्‍वंगु दु। जिमि ल्‍यासेपिं व ल्‍याय्‌म्‍हपिं मनूतय्‌त तरवारं स्‍यानाः क्‍वथला तःगु दु। थःगु तंया दिनय् छिं छुं हे दयामाया मयासें इमित पालाः स्‍यानादीगु दु।

विलाप 2:5

परमप्रभु शत्रु थें जुयादीगु दु, वय्‌कलं इस्राएलयात नाश यानादीगु दु। वय्‌कलं इस्राएलया दक्‍व बांबांलाःगु छेँत भज्‍यंक नाश यानादिल अले वया दक्‍व किल्‍लात थुनादीगु दु। वय्‌कलं यहूदाया म्‍ह्याय्‌यागु दुःखकष्‍ट व विलाप अप्‍वय्‌का ब्‍यूगु दु।

यशैया 26:5

वय्‌कलं घमण्‍डीतय्‌त क्‍वमिलु यानादी। इपिं बाय् च्‍वनाच्‍वंगु बल्‍लाःगु शहर नाश यानादी। अले उकियात चुंचुं यानाः धुलय् मिलय् यानादी।

२ कोरिन्‍थी 10:4

थ्‍व संसारयागु हतियार ज्‍वनाः जिपिं ल्‍वानाच्‍वनागु मदु, बरु परमेश्‍वरं बियादीगु शक्तिं म्‍वाःमदुगु खँ ल्‍हानाजुइपिन्‍त जिमिसं बुकाबियागु दु।

मत्ती 18:33

जिं छन्‍त दया याना थें छं नं थःनापं ज्‍या याइम्‍ह च्‍यःयात दया याये म्‍वाः ला?’

मलाकी 1:4

एदोमीतय्‌सं धया जुइफु, “झीपिं नाश जुइ धुंकूसां झीसं उपिं शहरत हाकनं दय्‌के।” दक्‍व शक्ति दुम्‍ह परमप्रभुं धाःसा थथे धयादी, “इमिसं हाकनं दय्‌कूसां जिं उपिं स्‍यंकाबी। मनूतय्‌सं एदोमयात दुष्‍ट देश धकाः धाइ। परमप्रभु इपिं लिसे न्‍ह्याबलें तंचायादी धकाः मनूतय्‌सं धाइ।

इजकिएल 8:18

उकिं जिं नं इपिंलिसें तंमय्‌ ज्‍या याये। जिं इमित भचा नं दया याये मखु, त्‍वःते नं मखु। जिगु न्‍हाय्‌पनय् चिल्‍लाय् दनाः हाःसां जिं इमिगु खँ न्‍यने मखु।”

इजकिएल 7:9

जिं माया यानाः छन्‍त स्‍वये मखु, जिं छन्‍त भचा नं माया याये मखु। छंगु पहःचहःकथं व छंगु दथुइ दुगु घच्‍चाइपुगु ज्‍याया निंतिं जिं छन्‍त सजाँय बी। “‘अले छन्‍त सजाँय बीम्‍ह परमप्रभु जि हे खः धकाः छं सी।

इजकिएल 7:4

जिं माया यानाः छन्‍त स्‍वये मखु, जिं छन्‍त भचा नं माया याये मखु, जिं धात्‍थें छंगु पहःचहः व छंगु दथुइ दुगु घच्‍चाइपुगु पापया निंतिं छिमित सजाँय बी। “‘अले जि हे परमप्रभु खः धकाः छिमिसं सी।’

इजकिएल 5:11

“गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छंगु फुक्‍क घच्‍चाइपुगु मूर्तित व छं याःगु घच्‍चाइपुगु व्‍यवहारपाखें जिगु पवित्र थाय्‌यात छं अशुद्ध याःगुलिं जिं धात्‍थें हे छिमित नाश याये, जिं छिमित मायां स्‍वये मखु अले जिं छन्‍त दया नं याये मखु।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 13:14

अले जिं इमित छम्‍हय्‌सित मेम्‍हनापं ल्‍वाकाबी, अर्थात बौम्‍हय्‌सित काय्‌म्‍हलिसें, काय्‌म्‍हसित बौम्‍हलिसें, जिं इमित दयामाया याये मखु। दया यानाः इमित नाश जुइगुपाखें बचय् नं याये मखु,’” परमप्रभुं धयादी।

यर्मिया 5:10

“वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 23:9

तःधंछुया जुइगु व शहरयागु फुक्‍क गौरवयात क्‍वह्यंकाबीत, पृथ्‍वीया सकलें नां जाःपिन्‍त क्‍वमिलु यानादीत दक्‍व शक्ति दुम्‍ह परमप्रभुं थ्‍व ग्‍वसाः ग्‍वयादीगु दु।

अय्‍यूब 2:3

अले परमप्रभुं शैतानयात धयादिल, “छु छं जिम्‍ह दास अय्‍यूबयात खना ला? व थें ज्‍याःम्‍ह परमेश्‍वरयागु भय काइम्‍ह, मभिंगु ज्‍यापाखें अलग च्‍वनीम्‍ह, छुं दोष मदुम्‍ह व स्‍वजाम्‍ह मनू पृथ्‍वीइ मेपिं सुं मदु। अथें छं जितः वयात नाश यायेत उस्‍के यात। तर अय्‍यूब आः तक नं विश्‍वास याये बहःम्‍ह जुयाच्‍वंगु दु।”

भजनसंग्रहया सफू 74:7

छिगु देगःयात स्‍यंकाः मि तयाबिल। छिगु पवित्र थाय्‌यात अशुद्ध यानाथकल।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

मीका 5:14

जिं छिमिथाय् च्‍वंम्‍ह अशेरा द्यःमय्‌जुया थांतय्‌त लिनाः वांछ्वयाबी अले छिमिगु शहर नं नाश यानाबी।

व्‍यवस्‍था 28:52

छिमिगु फुक्‍क शहरयात इमिसं घेरय्‌ याइ। अले छिमिसं भलसा तःगु देश न्‍यंकया ततःजाःगु पखाः इमिसं थुनाबी। परमप्रभु छिमि परमेश्‍वरं बियादीत्‍यंगु देशन्‍यंक शहर शहरय् छिमित घेरय्‌ याइ।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”