विलाप 1:4 - नेवाः बाइबल

⁴ सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

विलाप 1:4 Referans Kwoze

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 10:22

न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

विलाप 5:13

ल्‍याय्‌म्‍हपिन्‍सं तसकं दुःख सियाः घः क्‍यलेमा, मिजंमस्‍त सिँ क्‍वबिया धेधेचुयाः न्‍यासि वनी।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

विलाप 1:21

“मनूतय्‌सं जिगु झसुकाः न्‍यंगु दु, अय्‌नं जितः ह्ययेकीपिं सुं हे मदु। जिमि दक्‍व शत्रुतय्‌सं जिगु दुःखकष्‍टया खँ न्‍यंगु दु। छिं थथे यानादीगुलिं इपिं लय्‌ताःगु दु। छिं धयादीगु दिं हयादिसँ, गुकिं यानाः इपिं नं जि थें जुइमा।

लेवी 26:22

अले जिं छिमिगु दथुइ गुँपशु छ्वया हये। इमिसं छिमि मस्‍तय्‌त नयाबी। अले छिमि लहिनातःपिं पशुतय्‌त स्‍यानाबी। छिमिगु ल्‍याः थुलि कम जुइकि छिमिगु लँपुइ जुइपिं मनूत हे दइ मखु।

विलाप 5:14

थकालिपिं शहरया मू ध्‍वाखाय् मुनेगु त्‍वःतूगु दु, ल्‍याय्‌म्‍हपिं मनूतय्‌सं थःगु संगीत त्‍वःतूगु दु।

होशे 2:13

बालद्यःतय्‌त धूप थंगुलिं जिं वयात दण्‍ड बी। व इलय् वं तिसा तिनाः थः यःम्‍ह नाप ल्‍यूल्‍यू वनी, अले जितः ल्‍वःमंकी,” परमप्रभुं घोषणा यानादी।