यहोशू 9:8 - नेवाः बाइबल

⁸ इमिसं यहोशूयात धाल, “जिपिं छिम्‍ह हे दासत खः।” तर यहोशूं इमित धाल, “छिपिं सु खः, गनं वयागु खः?”

यहोशू 9:8 Referans Kwoze

२ राजा 10:5

उकिं दरबार व शहरयापिं प्रशासकत, थकालित व जुजुया काय्‌पिन्‍त लहिनाच्‍वंपिन्‍सं मिलय् जुयाः येहूयाथाय् थज्‍याःगु खबर छ्वल, “जिपिं छिकपिनि दास खः। जिमिसं छिं धाःगु खँ न्‍यने। तर जिमिसं सुयातं जुजु दय्‌के मखु। छितः छु याये मास्‍ति वः, व यानादिसँ!”

व्‍यवस्‍था 20:11

इमिसं व खँ मानय् जुयाः थःगु शहरया ध्‍वाखा चायेकाब्‍यूसा अन दुपिं फुक्‍क मनूत छिमि दास थें ज्‍या याइपिं ज्‍यामि व च्‍यः जुइ।

यहोशू 9:11

उकिं जिमि ज्‍याथपिं मनूत व जिमिगु देशयापिं सकल मनूतय्‌सं जिमित थथे धाल, ‘लँयात माःगु नयेगु नसा ज्‍वनाः इमित नापलाः हुँ। अले इमित, “जिपिं ला छिकपिनि हे दासत खः, उकिं जिपिंलिसें सन्‍धि यानादिसँ धकाः धा।”’

यहोशू 9:27

उखुन्‍हु हे यहोशूं इमित दास दासी दय्‌कल, अले खलःया निंतिं व परमप्रभु ल्‍ययादीगु थासय् वय्‌कःया वेदीया निंतिं सिँ पालेगु ज्‍या व लः क्‍वबीगु ज्‍या याकल। परमप्रभुं थःगु आराधना यायेगु थाय् धकाः ल्‍ययादीगु थासय् थौं तक इमिसं उपिं ज्‍या यानाच्‍वंगु दु।

यहोशू 9:25

आः स्‍वयादिसँ! जिपिं छिगु ल्‍हातय् दु। जिमित छु याःसा छितः भिं व पाय्‌छि जुइ व हे यानादिसँ।”

यहोशू 9:23

अथे जुयाः आः छिमित सराः लाःगु दु। छिमि मनूत न्‍ह्याबलें दास दासी जुयाः जिमि परमेश्‍वरयागु छेँय् सिँ पालीपिं व लः क्‍वबिपिं जुया हे च्‍वनी।”

यहोशू 10:6

गिबोनीतय्‌सं गिलगालया छाउनीइ यहोशूयाथाय् थ्‍व बुखँ छ्वल, “छःपिनि दासतय्‌त त्‍वःतादी मते। जिमिथाय् याकनं झायाः जिमित ग्‍वाहालि यानादिसँ, छाय्‌धाःसा पहाडी देशय् च्‍वनिपिं एमोरीतय् फुक्‍क जुजुपिं जिपिंनापं ल्‍वाः वयेत मुंगु दु।”