यहोशू 9:13 - नेवाः बाइबल

¹³ जिमिसं दाखमद्यया थुपिं छेँगूया म्‍हिचा जाय्‌काःबलय् थुपिं न्‍हूगु हे खः। तर स्‍वयादिसँ! आः गुइ धुंकल, लँपु ताहाःगुलिं जिमिगु वसः व लाकां भ्‍वाथः जुइ धुंकल।”

यहोशू 9:13 Referans Kwoze

मत्ती 9:17

“अथे हे सुनानं पुलांगु छेंगूयागु म्‍हिचाय् दाखरस तइ मखु, छाय्‌धाःसा पुलांगु छेंगूयागु म्‍हिचाय् दाखरस तल धाःसा म्‍हिचा हे गुनावनी। अले दाखरस नं वाइ, म्‍हिचा नं स्‍यनी। थथे मयासें बरु दाखरस न्‍हूगु म्‍हिचाय् तल धाःसा नितां बचय् जुइ।”

यहोशू 9:4

थःपिन्‍त बचय् यायेत ध्‍वंलायेगु बिचाः यात। अले राजदूतत थें जुयाः थःपिनि गधाया म्‍हय् भ्‍वाथःगु बोरा, गुइ धुंकूगु व पर्का तःगु दाखमद्ययागु भ्‍वाथःगु छेँगूया म्‍हिचात तल।

यहोशू 9:12

जिपिं छितः नापलायेत छेँ त्‍वःतागु न्‍हिइ क्‍वाःगु मरि ज्‍वनाः वयागु खः। तर स्‍वयादिसँ! थौं थ्‍व मरि गनाः फ्‍वसा वये धुंकल।

यहोशू 9:14

इस्राएली मिजंतय्‌सं परमप्रभुयाके मन्‍यंसे इमिगु नयेगु नसां छुं कयाः गथे च्‍वं स्‍वल।

व्‍यवस्‍था 29:5

परमप्रभुं धयादी, “जिं छिमित पिइदँ तक मरुभूमिइ ज्‍वना जुयाबलय् छिमिगु म्‍हया वसः गुना मवं अले तुतिया लाकां नं मगू।

यहोशू 9:5

अले मिजंतय्‌सं पुलांगु लाकां न्‍ह्यात अले भ्‍वाथःगु वसः फित। अले नयेत गंगु व फ्‍वसा वःगु मरि काल।

मर्कूस 2:22

“अथे हे सुनानं पुलांगु छेंगूयागु म्‍हिचाय् दाखमद्य तइ मखु, छाय्‌धाःसा पुलांगु छेंगूयागु म्‍हिचाय् दाखमद्य तल धाःसा म्‍हिचा हे गुनावनी, अले दाखमद्य वाइ, म्‍हिचा नं स्‍यनी। थथे मयासें दाखमद्य न्‍हूगु म्‍हिचाय् तल धाःसा नितां बचय् जुइ।”

लूका 5:37

“अले हानं सुनानं दाखमद्य पुलांगु छेंगूया म्‍हिचाय् तइ मखु, छाय्‌धाःसा पुलांगु छेंगूयागु म्‍हिचाय् दाखमद्य तल धाःसा म्‍हिचा हे गुनावनी, अले दाखमद्य नं वाइ, म्‍हिचा नं स्‍यनी।