यहोशू 8:6 - नेवाः बाइबल

⁶ इमिसं झीत ल्‍यू वइ व झीसं इमित शहरं यक्‍व तापाक्‍क पित हये, छाय्‌धाःसा इमिसं धाइ, ‘न्‍हापा थें इस्राएलीत झीगु न्‍ह्यःनेनं बिस्‍युं वनाच्‍वंगु दु।’ उकिं जिपिं इमिगु न्‍ह्यःनेनं बिस्‍युं वनेबलय्

यहोशू 8:6 Referans Kwoze

उपदेशक 9:12

थ्‍व बाहेक थःगु काल गुबलय् वइ धकाः सुं मनुखं मस्‍यू। न्‍या जालय् क्‍यं थें अले चखुंचा स्‍वःतिपाँय्‌लय् लाः थें मनूत नं आकाझाकां इमिके वइगु विपत्तिइ लाइ।

उपदेशक 8:11

सुं नं मनुखं मभिंगु ज्‍या यात अले वयात याकनं हे दण्‍ड मबिल धाःसा मनूतय्‌सं नुगलय् मभिंगु ज्‍या यायेगु ग्‍वसाः ग्‍वइ।

न्‍यायकर्ता 20:32

अले बेन्‍यामीनीतय्‌सं थथे धाल, “जिमिसं हाकनं इमित त्‍याकाच्‍वनागु दु।” तर इस्राएलीतय्‌सं इमित शहरं पिकयाः मू लँपुइ हयेत बुनाः बिस्‍युं वंपिं थें यानाः क्‍यंगु खः।

प्रस्‍थान 15:9

“शत्रुं फुइँ क्‍यनाः धाल, ‘जिं इमित लिनाः ज्‍वने लाका हयागु फुक्‍कं जिं इने। इमिगु नाशं यानाः जिगु म्‍ह याउँसे च्‍वनी, जिं थःगु तरवार लिकाये, जिगु हे ल्‍हातं इमित नाश याये।’”

प्रस्‍थान 14:3

मिश्रया जुजु फारोनं बिचाः याइ, ‘इस्राएलीत लँ तनाः उखेंथुखें जुयाः मरुभूमिइ कुंका च्‍वनेमाल।’

यहोशू 8:5

जिनापं दुपिं मनूतलिसें जि शहरपाखे न्‍ह्यज्‍याये। न्‍हापा थें इपिं जिपिंलिसें ल्‍वायेत वइबलय् जिपिं न्‍हापा थें इमिगु न्‍ह्यःनेनं बिस्‍युं वने।

यहोशू 8:7

छिमिसं सुलाच्‍वंगु थासं वनाः शहरयात त्‍याका का, छाय्‌धाःसा परमप्रभु छिमि परमेश्‍वरं छिमिगु ल्‍हातय् व बियादी।